Telangana Voter List 2026 | తెలంగాణ ఓటర్ల జాబితా ముసాయిదా రిలీజ్: మీ ఓటు భద్రంగా ఉందా? సెప్టెంబర్ 16 లాస్ట్ డేట్

Telangana Voter List 2026 | త్రినేత్ర.న్యూస్ : తెలంగాణ వ్యాప్తంగా ప్రత్యేక సమగ్ర సవరణ (SIR) ప్రక్రియలో భాగంగా ఎన్నికల సంఘం ముసాయిదా ఓటర్ల జాబితాను తాజాగా ప్రచురించింది. ఆగస్టు 17న విడుదల చేసిన ఈ డ్రాఫ్ట్ రోల్స్ ఇప్పుడు అన్ని ఈఆర్ఓ (ERO) ఆఫీసులతో పాటు ఆన్‌లైన్‌లో కూడా అందుబాటులో ఉన్నాయి. ఓటర్ లిస్ట్‌ని ఎలాంటి తప్పులు లేకుండా పక్కాగా సిద్ధం చేసేందుకు సీఈఓ (CEO) ఈ ప్రక్రియను వేగవంతం చేశారు.

ఆన్‌లైన్‌లో మీ ఓటు స్టేటస్ చెక్ చేసుకోండిలా..

ఓటర్లంతా తమ పేర్లు జాబితాలో ఉన్నాయో లేదో తెలుసుకోవడానికి ఎక్కడికో వెళ్లాల్సిన పనిలేదు. సీఈఓ తెలంగాణ అఫిషియల్ వెబ్‌సైట్ (https://ceotelangana.nic.in) లో ASDD ఓటర్ల వివరాలను పొందుపరిచారు. మీ ఓటు యాక్టివ్‌గా ఉందా? లేక ఏవైనా తప్పులు దొర్లాయా? అనేది ఒక్క క్లిక్‌తో మీ స్మార్ట్ ఫోన్‌లోనే చెక్ చేసుకోవచ్చు.

సెప్టెంబర్ 16 వరకే ఛాన్స్

ఓటరు జాబితాపై క్లెయిమ్‌లు, అభ్యంతరాలు (Claims & Objections) తెలిపేందుకు ఎన్నికల సంఘం సెప్టెంబర్ 16, 2026 వరకు అవకాశం కల్పించింది. జాబితాలో మీ పేరు మిస్ అయినా, మార్పులు చేసుకోవాలన్నా ఇదే సరైన సమయం. నోటీసుల జారీ, వాటి పరిష్కార ప్రక్రియను అక్టోబర్ 15 కల్లా పూర్తి చేయాలని అధికారులు టార్గెట్ గా పెట్టుకున్నారు.

స్పెషల్ క్యాంపెయిన్ డేట్స్ (Special Campaign Dates)

ఆన్‌లైన్‌లో చెక్ చేసుకోవడం ఇబ్బందిగా ఉన్నవారి కోసం పోలింగ్ బూత్‌ల దగ్గరే స్పెషల్ క్యాంపెయిన్స్ నిర్వహిస్తున్నారు. ఈ తేదీల్లో BLO లు, BLA లు ఉదయం నుంచే అందుబాటులో ఉంటారు.

మొదటి విడత: సెప్టెంబర్ 5, 6 తేదీల్లో (శని, ఆదివారాలు).

రెండవ విడత: సెప్టెంబర్ 12, 13 తేదీల్లో (శని, ఆదివారాలు).

ఏ ఫారం దేనికి వాడాలి?

అప్లై చేసేముందు ఏ ఫారం దేనికి ఉపయోగపడుతుందో తెలుసుకోవడం ముఖ్యం.

Form-6: కొత్తగా ఓటు హక్కు కోసం అప్లై చేసుకోవడానికి.

Form-6A: ప్రవాస భారతీయులు (NRIs) తమ ఓటు నమోదు చేసుకోవడానికి.

Form-7: ఓటరు జాబితా నుంచి పేరు తొలగించడానికి (మరణించిన లేదా వేరే ప్రాంతానికి షిఫ్ట్ అయిన వారు).

Form-8: పేరు, అడ్రస్, డేట్ ఆఫ్ బర్త్ లేదా ఇతర వివరాల్లో మార్పులు (Corrections) చేసుకోవడానికి.

9 లక్షలకు పైగా అప్లికేషన్లు..

ఈ సవరణ ప్రక్రియకు ప్రజల నుంచి భారీ రెస్పాన్స్ వస్తోంది. ఇప్పటిదాకా 9 లక్షలకు పైగా (9,07,292) అప్లికేషన్లు రావడం విశేషం. ఇందులో కొత్త ఓటర్ల కోసం (Form-6) 3,94,517 మంది దరఖాస్తు చేసుకోగా, మార్పుల కోసం (Form-8) 4,57,677 అప్లికేషన్లు వచ్చాయి. ఇక విచారణల విషయానికొస్తే.. అధికారులు ఇప్పటికే 31 లక్షలకు పైగా నోటీసులు డెలివరీ చేయగా, ఫీల్డ్ లెవెల్లో వెరిఫికేషన్ చురుగ్గా సాగుతోంది.

ఓటు అనేది మన రాజ్యాంగ హక్కు. వెంటనే పోలింగ్ కేంద్రాన్ని లేదా ఆన్‌లైన్ వెబ్‌సైట్‌ను సందర్శించి లిస్ట్‌లో మీ పేరు గల్లంతు కాలేదని నిర్ధారించుకోండి.