Municipal Elections | మోగిన మున్సిప‌ల్ ఎన్నిక‌ల న‌గారా.. అమ‌లులోకి వ‌చ్చిన కోడ్‌..!

Municipal Elections | మున్సిప‌ల్ ఎన్నిక‌ల‌కు న‌గారా మోగింది. రాష్ట్ర ఎన్నిక‌ల సంఘం మంగ‌ళ‌వారం షెడ్యూల్‌ను విడుద‌ల చేసింది. ఫిబ్ర‌వ‌రి 11న మున్సిప‌ల్ ఎన్నిక‌ల పోలింగ్ జ‌రుగుతుంద‌ని, 13న ఎన్నిక‌ల ఫ‌లితాల‌ను ప్ర‌క‌టించ‌నున్న‌ట్లు ఎన్నిక‌ల క‌మిష‌న‌ర్ రాణి కుముదిని తెలిపారు. రాష్ట్ర‌వ్యాప్తంగా ఏడు న‌గ‌ర‌పాల‌క సంస్థ‌లు, 116 పుర‌పాల‌క సంఘాల‌కు ఎన్నిక‌ల కోసం రాష్ట్ర ఎన్నిక‌ల సంఘం షెడ్యూల్‌ను విడుద‌ల చేసింది.

మున్సిప‌ల్ ఎన్నిక‌ల షెడ్యూల్ విడుద‌ల కావ‌డంతో ఎన్నిక‌ల కోడ్ అమ‌లులోకి వ‌చ్చింది. బుధ‌వారం నుంచి ఈ నెల 28 నుంచి 30 వ‌ర‌కు నామినేష‌న్లు స్వీక‌రించ‌నున్న‌ట్లు రాణి కుముదిని తెలిపారు. ఈ నెల 31న అభ్య‌ర్థుల నామినేష‌న్ల ప‌రిశీల‌న ఉంటుంద‌ని, ఫిబ్ర‌వ‌రి 3 వ‌ర‌కు ఉప‌సంహ‌ర‌ణ‌కు గ‌డువు ఉంటుంద‌న్నారు. రాష్ట్రంలో 52,43,000 మంది ఓట‌ర్లు మున్సిప‌ల్ ఎన్నిక‌ల్లో ఓటుహ‌క్కు వినియోగించుకునున్నార‌ని ఆమె చెప్పారు. ఎక్క‌డైనా అవ‌స‌ర‌మైతే ఫిబ్ర‌వ‌రి 12న రీపోలింగ్ నిర్వ‌హిస్తామ‌న్నారు. ఫిబ్ర‌వరి 16న మున్సిప‌ల్ చైర్మ‌న్‌తో పాటు వైస్ చైర్మ‌న్ ఎన్నిక ఉంటుంద‌న్నారు. అదే రోజున కార్పొరేష‌న్ మేయ‌ర్‌, డిప్యూటీ మేయ‌ర్ల జ‌రుగుతుంద‌న్నారు.