Shivadhar Reddy | తెలంగాణ డీజీపీ శివధర్ రెడ్డికి హైకోర్టులో ఊరట

Shivadhar Reddy | తెలంగాణ (Telangana) రాష్ట్ర డీజీపీ (DGP) శివ‌ధ‌ర్‌రెడ్డి (Shivadhar Reddy)కి హైకోర్టులో ఊర‌ట ల‌భించింది. ఆయ‌న నియామ‌కాన్ని స‌వాల్ చేస్తూ దాఖ‌లైన పిటిష‌న్‌ను న్యాయ‌స్థానం కొట్టివేసింది. పూర్తి స్థాయి డీజీపీ నియామ‌క ప్ర‌క్రియ‌ను నాలుగు వారాల్లో పూర్తి చేయాల‌ని ఆదేశించింది. సీనియారిటీ ప్రాతిప‌దిక‌న యూపీఎస్సీకి జాబితా పంపించిన త‌రువాత కౌంట‌ర్ దాఖ‌లు చేయాల‌ని రాష్ట్ర ప్ర‌భుత్వాన్ని ఆదేశించింది. సుప్రీం కోర్టు మార్గ‌ద‌ర్శ‌కాల‌కు విరుద్ధంగా డీజీపీగా శివ‌ధ‌ర్‌రెడ్డిని నియ‌మించారంటూ సామాజిక కార్య‌క‌ర్త టి. మ‌ద‌న్‌గోపాల్ దాఖ‌లు చేసిన ఇంట‌ర్మ్ అప్లికేష‌న్‌ను న్యాయ‌స్థానం విచారణ చేప‌ట్టింది. ఇరుప‌క్షాల వాదన‌లు విన్న న్యాయ‌స్థానం డీజీపీ నియామ‌క ఉత్త‌ర్వుల‌పై స్టే విధించేందుకు నిరాక‌రించింది. కేసు త‌దుప‌రి విచార‌ణ‌ను వ‌చ్చే నెల 5వ తేదీకి వాయిదా వేసింది.