CM Revanth Reddy | 30 ల‌క్ష‌ల మంది నిరుద్యోగుల‌కు ప్ర‌భుత్వ ఉద్యోగాలు ఇవ్వ‌లేం.. సీఎం రేవంత్ సంచ‌ల‌న వ్యాఖ్య‌లు

CM Revanth Reddy | త్రినేత్ర‌.న్యూస్ : ప్ర‌భుత్వ ఉద్యోగ నోటిఫికేష‌న్ల‌కు సంబంధించి సీఎం రేవంత్ రెడ్డి మ‌రోసారి సంచ‌ల‌న వ్యాఖ్య‌లు చేశారు. రాష్ట్రంలో ఉన్న 30 ల‌క్ష‌ల మంది నిరుద్యోగుల‌కు ప్ర‌భుత్వ ఉద్యోగాలు ఇవ్వ‌లేమ‌ని సీఎం తేల్చిచెప్పారు. రంగారెడ్డి జిల్లా మహేశ్వరం మండలం రావిర్యాల ఈ-సిటీలో సుజెన్ మెడికేర్ ఫ్లూయిడ్స్ తయారీ యూనిట్‌ను సీఎం రేవంత్ రెడ్డి ప్రారంభించారు.

తెలంగాణ‌లో ఉండే నిరుద్యోగ యువ‌త‌కు ప్ర‌యివేటు రంగంలో ల‌క్ష‌లాది ఉద్యోగాలు క‌ల్పించాలి. ఇప్ప‌టికే ప్ర‌భుత్వం 75 వేల ఉద్యోగాలు క‌ల్పించింది. ఇంకా వేలాది ఉద్యోగాలు ఇచ్చినా కూడా తెలంగాణ‌లోని 30 ల‌క్ష‌ల మంది నిరుద్యోగుల‌కు ప్ర‌భుత్వ ఉద్యోగాలు ఇవ్వ‌లేం. కాబ‌ట్టి ప్ర‌యివేటు రంగంలో కూడా పెట్టుబ‌డుల‌ను ఆక‌ర్షించి, ఉద్యోగ ఉపాధి అవ‌కాశాలు క‌ల్పించాలి. ఐఏఎస్ ఆఫీస‌ర్‌కు వ‌చ్చే జీతం రెండున్న‌ర నుంచి మూడు ల‌క్ష‌ల జీతం. కానీ అదే ఒ కార్పొరేట్ కంపెనీలో ఉద్యోగం ల‌భిస్తే ఏడాదికి ఐదు కోట్లు, ప‌ది కోట్ల ప్యాకేజీలు వ‌స్తున్నాయి. ట్రిపుల్ ఐటీ స్టూడెంట్‌కు ఏడాదికి కోటిన్న‌ర ప్యాకేజీ వ‌చ్చింది అని రేవంత్ రెడ్డి గుర్తు చేశారు.

ప్ర‌భుత్వ రంగంతో పాటు ప్ర‌యివేటు రంగంలో కూడా ఉద్యోగ ఉపాధి అవ‌కాశాల‌ను నిరుద్యోగ యువ‌త‌ అందిపుచ్చుకోవాలి. 100 సంవ‌త్స‌రాల‌కు పైగా చ‌రిత్ర ఉన్న ఉస్మానియా యూనివ‌ర్సిటీని పున‌రుద్ధ‌రిస్తున్నాం. పెద్ద పెద్ద యూనివ‌ర్సిటీల‌తో పోటీ ప‌డే విధంగా మ‌న విద్యాసంస్థ‌ల‌ను త‌యారు చేయాల‌నుకుంటున్నాం. తెలంగాణ ఎడ్యుకేష‌న్ పాల‌సీ కోసం క‌మిటీని ఏర్పాటు చేశాం. త్వ‌ర‌లోనే తీసుకువ‌స్తాం అని రేవంత్ రెడ్డి అన్నారు.