త్రినేత్ర News Logo
DIGITAL-NEWS

TG Bhavan | ఆస్ట్రేలియాలో ‘తెలంగాణ భవన్’ నిర్మాణానికి శ్రీకారం

TG Bhavan | ఆస్ట్రేలియాలో నివసిస్తున్న తెలంగాణ ప్రవాసుల కోసం ప్రత్యేకంగా ‘తెలంగాణ భవన్’ నిర్మాణానికి శ్రీకారం చుట్టినట్లు తెలంగాణ కల్చరల్ సెంటర్ వ్యవస్థాపకుడు అనిల్ బైరెడ్డి తెలిపారు. తెలంగాణ సంస్కృతి, సంప్రదాయాలను విదేశాల్లోనూ సజీవంగా ఉంచడంతో పాటు, ప్రవాస తెలంగాణీయులందరినీ ఒకే వేదికపైకి తీసుకురావడమే ఈ ప్రాజెక్టు ప్రధాన లక్ష్యమని పేర్కొన్నారు.

P

Telangana | Published On Nov 20, 2026, 8.17 pm IST

TG Bhavan | ఆస్ట్రేలియాలో ‘తెలంగాణ భవన్’ నిర్మాణానికి శ్రీకారం
Advertisement

TG Bhavan | ఆస్ట్రేలియాలో నివసిస్తున్న తెలంగాణ ప్రవాసుల కోసం ప్రత్యేకంగా ‘తెలంగాణ భవన్’ నిర్మాణానికి శ్రీకారం చుట్టినట్లు తెలంగాణ కల్చరల్ సెంటర్ వ్యవస్థాపకుడు అనిల్ బైరెడ్డి తెలిపారు. తెలంగాణ సంస్కృతి, సంప్రదాయాలను విదేశాల్లోనూ సజీవంగా ఉంచడంతో పాటు, ప్రవాస తెలంగాణీయులందరినీ ఒకే వేదికపైకి తీసుకురావడమే ఈ ప్రాజెక్టు ప్రధాన లక్ష్యమని పేర్కొన్నారు. ఈ సందర్భంగా అనిల్ బైరెడ్డి మాట్లాడుతూ.. గత 14 సంవత్సరాలుగా ఆస్ట్రేలియాలోని తెలంగాణ కమ్యూనిటీ అభ్యున్నతి, ఐక్యత కోసం నిరంతరాయంగా కృషి చేస్తున్నామని తెలిపారు. ప్రతి ఏటా నిర్వహించే బతుకమ్మ సంబరాలతో పాటు పలు సాంస్కృతిక, సామాజిక కార్యక్రమాల ద్వారా తెలంగాణ సమాజాన్ని ఏకం చేయడంలో కీలక పాత్ర పోషిస్తున్నామని చెప్పారు. తెలంగాణ భవన్ నిర్మాణం ద్వారా విదేశాల్లో నివసిస్తున్న తెలంగాణ ప్రజలకు తమ సంస్కృతి, సంప్రదాయాలను ఆచరించేందుకు, భావితరాలకు వాటిని పరిచయం చేసేందుకు ఒక ప్రత్యేక వేదిక అందుబాటులోకి రానుందని తెలిపారు. రాబోయే రోజుల్లో నిర్మించనున్న ఈ భవన్ ప్రవాస తెలంగాణ బిడ్డలందరికీ ఉమ్మడి కేంద్రంగా నిలుస్తుందని ఆశాభావం వ్యక్తం చేశారు. తెలంగాణ మూలాలు, సంస్కృతి, సంప్రదాయాల పరిరక్షణకు ఈ భవన్ ఎంతగానో దోహదపడుతుందని అనిల్ బైరెడ్డి పేర్కొన్నారు.

Advertisement
Advertisement