Gade Innaiah gets bail | తెలంగాణ ఉద్య‌మ‌కారుడు గాదె ఇన్నయ్యకు బెయిల్.. మంజూరు చేసిన హైకోర్టు

• ప్ర‌తి శుక్ర‌వారం కూక‌ట్‌ప‌ల్లి పోలీస్ స్టేష‌న్‌లో హాజ‌రు కావాలని ష‌ర‌తు

Gade Innaiah gets bail | త్రినేత్ర‌.న్యూస్: తెలంగాణ ఉద్య‌మ‌కారుడు, మాజీ మావోయిస్టు గాదె ఇన్న‌య్య‌కు ఎన్ఐఏ కేసులో బెయిల్ మంజూరైంది. తెలంగాణ హైకోర్టు బుధ‌వారం షరతులతో కూడిన బెయిల్ మంజూరు చేసింది. రూ.25 వేల అదనపు పూచీకత్తుతో రెండు షూరిటీ బాండ్లను సమర్పించాలని కోర్టు స్పష్టం చేసింది. ప్రతి శుక్రవారం కూకట్‌పల్లి పోలీస్ స్టేషన్‌లో విచారణాధికారి ఎదుట తప్పకుండా హాజరుకావాలని సూచించింది.

మావోయిస్టు అగ్రనేత కట్టా రామచంద్రారెడ్డి అంత్యక్రియల్లో పాల్గొని విప్లవ భావజాలాన్ని ప్రచారం చేశారంటూ NIA ఇన్న‌య్యపై కేసు పెట్టింది. అంత్య‌క్రియ‌ల సంద‌ర్భంగా ఆయ‌న మావోల‌కు అనుకూలంగా ప్ర‌సంగించార‌ని.. ఉద్య‌మాన్ని ఉసిగొల్పేలా మాట్లాడార‌ని ఎన్ఐఏ ఆయ‌న‌పై అభియోగాలు మోపింది. దీంతో ‘ఉపా చట్టం’ కింద కేసు పెట్టి గతేడాది డిసెంబర్ 21న జ‌న‌గామ జిల్లాలోని జ‌ఫర్‌గ‌డ్‌లోని ఆయ‌న ఇంటి వ‌ద్ద ఎన్ఐఏ అధికారులు అదుపులోకి తీసుకున్నారు. అనంత‌రం రిమాండ్‌కు త‌ర‌లించారు.

దీంతో గ‌త 8 నెల‌లుగా హైద‌రాబాద్‌లోని చంచ‌ల్‌గూడ జైలులో ఉన్నారు. తాజాగా హైకోర్టు బెయిల్ ఇవ్వ‌డంతో బయటకు రానున్నారు.