Telangana 22A Lands | భూయజమానులు ఆఫీసుల చుట్టూ తిరిగే పరిస్థితి రావొద్దు

• 22A నిషేధిత భూముల (Prohibited Lands) సమస్య పరిష్కారంపై రెవెన్యూ మంత్రి పొంగులేటి శ్రీనివాసరెడ్డి టెలికాన్ఫరెన్స్
• కాల్ సెంటర్‌కు వచ్చే ప్రతి కంప్లయింట్‌ను బాధ్యతగా తీసుకుని ఎప్పటికప్పుడు సాల్వ్ చేయాలని అధికారులకు ఆదేశం
• సమస్య పరిష్కారమయ్యే వరకు తహసీల్దార్, ఆర్డీవో స్థాయిలో నిరంతర పర్యవేక్షణ (Monitoring) ఉండాలని సూచన
• భూ యజమానులు ఆఫీసుల చుట్టూ తిరిగే పరిస్థితి రావొద్దని, అర్హులైన హక్కుదారులకు ప్రభుత్వం అండగా ఉంటుందని భరోసా

Telangana 22A Lands | తెలంగాణలో 22A నిషేధిత భూముల (Prohibited Lands) సమస్యలతో ఏళ్ల తరబడి ఇబ్బంది పడుతున్న రియల్ ఎస్టేట్ వర్గాలకు, సామాన్య ప్రజలకు ఇది నిజంగా ఒక గుడ్ న్యూస్. ఈ సమస్యను ఇకపై ఒక 'స్పెషల్ టాస్క్' (Special Task) లాగా పరిగణించాలని, ప్రజలను ఆఫీసుల చుట్టూ తిప్పుకోవద్దని రాష్ట్ర రెవెన్యూ శాఖ మంత్రి పొంగులేటి శ్రీనివాసరెడ్డి (Ponguleti Srinivas Reddy) అధికారులను కఠినంగా ఆదేశించారు. బుధవారం హైదరాబాద్ నుంచి ఆయన రెవెన్యూ అధికారులతో టెలికాన్ఫరెన్స్ ద్వారా సమీక్ష నిర్వహించారు.

కాల్ సెంటర్ కంప్లయింట్స్.. ఎప్పటికప్పుడు క్లియర్ చేయాలి

కొత్తగా ఏర్పాటు చేసిన 22A కాల్ సెంటర్‌ (Call Center) పనితీరుపై మంత్రి ఆరా తీశారు. నాలుగు జిల్లాల పరిధిలో ఇప్పటి వరకు వచ్చిన సుమారు 400 కాల్స్‌పై అధికారులను వివరాలు అడిగి తెలుసుకున్నారు. కాల్ సెంటర్‌కు వచ్చే ప్రతి దరఖాస్తును కేవలం ఒక కంప్లయింట్‌లా కాకుండా బాధ్యతగా తీసుకోవాలని సూచించారు.

కంప్లయింట్ రాగానే ఆన్‌లైన్‌లో (Online) దరఖాస్తుదారుడి పూర్తి వివరాలను సంబంధిత తహసీల్దార్, ఆర్డీవో, సబ్-రిజిస్ట్రార్లకు ఫార్వార్డ్ చేయాలి.

సమస్య పరిష్కారం అయ్యే వరకు ఎప్పటికప్పుడు ఫాలో-అప్ (Follow-up) చేస్తూ, పురోగతిని పర్యవేక్షించాలి.

గ్రౌండ్ లెవల్ ఎంక్వైరీ.. క్లారిటీ మస్ట్

ఆన్‌లైన్‌లో ఫిర్యాదు అందిన వెంటనే ఫీల్డ్ లెవల్‌లో విచారణ చేయాలని మంత్రి స్పష్టం చేశారు. ఆ భూమి 22ఏ (Section 22A) జాబితాలో ఎందుకు చేరింది? దరఖాస్తుదారుడికి నిజంగా హక్కు ఉందా? అనే విషయాలను గ్రౌండ్ లెవల్‌లో సమగ్రంగా పరిశీలించాలి. పరిశీలన పూర్తయిన తర్వాత సరైన ఆధారాలతో పెండింగ్ (Pending) అప్లికేషన్లపై నిర్ణయం తీసుకోవాలని ఆదేశించారు.

ఆఫీసుల చుట్టూ తిప్పుకోవద్దు.. ఎండ్-టు-ఎండ్ మానిటరింగ్

"ఒక వ్యక్తి తన సమస్యను చెప్పిన తర్వాత, ఆఫీసుల చుట్టూ పదే పదే తిరిగే పరిస్థితి తీసుకురావొద్దు. రెవెన్యూ ఆఫీస్‌కు వచ్చిన వ్యక్తి తన పని పూర్తవుతుందనే నమ్మకంతో వెళ్లాలి" అని మంత్రి అధికారులకు దిశానిర్దేశం చేశారు.

వచ్చిన అప్లికేషన్‌ను వేరే ఆఫీసుకు పంపి చేతులు దులుపుకోవడం కాకుండా, ఎండ్-టు-ఎండ్ (End-to-End) ఆ సమస్య పరిష్కారం అయ్యే వరకు మానిటర్ చేయాలన్నారు. రెవెన్యూ, స్టాంప్స్ అండ్ రిజిస్ట్రేషన్ శాఖల అధికారులు కో-ఆర్డినేషన్ (Coordination) చేసుకుంటూ ప్రభుత్వ విధానాలకు అనుగుణంగా పనిచేయాలని స్పష్టం చేశారు.