Vijay Devarakonda | విజయ్ దేవరకొండకు లీగల్ నోటీసులు.. టీజీ 20 లీగే కార‌ణ‌మా..?

Vijay Devarakonda | త్రినేత్ర‌.న్యూస్ : టాలీవుడ్ స్టార్ హీరో విజ‌య్ దేవ‌ర‌కొండ‌కు తెలంగాణ క్రికెట్ అసోసియేష‌న్ లీగ‌ల్ నోటీసులు పంపింది. బీసీసీఐ అనుమ‌తి లేకుండా హెచ్‌సీఐ టీజీ20 లీగ్ నిర్వ‌హిస్తోంద‌ని, దీనిని ప్ర‌మోట్ చేయ‌డం నేర‌మ‌ని టీసీఏ ఆరోపించింది. కార్పొరేట్ కంపెనీల‌తో క‌లిసి హెచ్‌సీఏ వ్యాపారం చేస్తుంద‌ని మండిప‌డింది.

న‌టులు విజయ్ దేవరకొండ, వెంకటేష్, క్రికెట‌ర్లు తిలక్ వర్మ, అంబటి రాయుడు, సిరాజ్‌లకు టీసీఏ లీగల్ నోటీసులు పంపింది. స్థానిక టీ20 లీగ్‌ నిర్వహణకు 45 రోజుల ముందు అనుమతి తీసుకోవాలి.. కానీ బీసీసీఐ అనుమతి లేకుండా డబ్బులు వాసులు చేసి HCA లీగ్ నిర్వహిస్తోందని టీసీఏ ఆరోపణలు చేసింది.

టీసీఏ ప్రధాన కార్యదర్శి గురువా రెడ్డి మాట్లాడుతూ.. ‘‘TG20 ఒక మోసపూరిత లీగ్. TG20 లీగ్‌ను నిర్వహించడానికి HCA వద్ద BCCI అనుమతులు లేవు. లీగ్ అనుమతులు చూపించమని హైదరాబాద్ క్రికెట్ అసోసియేషన్‌కు నేను సవాలు విసురుతున్నాను. 'తెలంగాణ' అనే పదాన్ని ఉపయోగించే హక్కు HCAకు లేదు. తెలంగాణ క్రికెట్ వ్యవహారాలను చూసుకోవడానికి 'తెలంగాణ క్రికెట్ అసోసియేషన్' ఉంది’’ అని పేర్కొన్నారు.