Sub Registrar Office | నేటి నుంచి రాత్రి 7.30 వ‌ర‌కు రిజిస్ట్రేష‌న్ కార్యాల‌యాలు

Sub Registrar Office | త్రినేత్ర‌.న్యూస్‌: రాష్ట్రంలో త్వ‌ర‌లో భూముల మార్కెట్ విలువ (Market Value) పెరుగ‌నుంది. దీంతో రియ‌ల్ ఎస్టేట్ (Real Estate) రంగంలో జోరు నెల‌కొన్న‌ది. భూముల విలువ అధిక‌మ‌వుతుండంతో క్ర‌య‌విక్ర‌యాలు పెరిగాయి. ఈ నేప‌థ్యంలో స‌బ్‌-రిజిస్ట్రార్‌ కార్యాల‌యాల (Sub Registrar Office) వ‌ద్ద భారీ ర‌ద్దీ నెల‌కొన్న‌ది. దీనికి అనుగుణంగా భూముల కొనుగోలు, అమ్మకాలు చేయాలనుకునే వారి సౌల‌భ్యం కోసం రిజిస్ట్రేషన్ కార్యాలయాల ప‌నివేళ‌ల‌ను పొడిగింది. శుక్ర‌వారం (మే 29) నుంచి జూన్ 3 వ‌ర‌కు ఉదయం 9.30 నుంచి రాత్రి 7.30 గంటల వరకు స‌బ్‌-రిజిస్ట్రార్ కార్యాల‌యాల్లో సేవ‌లు అందుబాటులో ఉండ‌నున్నాయి.

ప్రజలకు మెరుగైన సేవలందించడమే ప్రభుత్వ ధ్యేయమ‌ని అధికారులు తెలిపారు. రిజిస్ట్రేషన్ల ప్రక్రియలో వేగం, పారదర్శకత, సౌకర్యం లక్ష్యాలుగా ప్ర‌భుత్వం ప‌నిచేస్తున్న‌దని చెప్పారు. ప‌నివేళ‌లు పెంచడంతో పాటు.. ప్రజల అవసరాల దృష్ట్యా రోజువారీ స్లాట్ బుకింగ్‌ల సంఖ్యను కూడా పెంచింది. రిజిస్ట్రేషన్ల డిమాండ్‌ను బట్టి అవసరమైతే అదనపు పని గంటల నియమాన్ని మరిన్ని రోజుల వరకు కూడా పొడిగించే అవ‌కాశం ఉంద‌ని వెల్ల‌డించారు.