Vijaya Reddy | ఖైర‌తాబాద్ ఉప ఎన్నిక ఆపండి.. హైకోర్టును ఆశ్రయించిన‌ విజయారెడ్డి

Vijaya Reddy |త్రినేత్ర న్యూస్: ఖైరతాబాద్ ఉప ఎన్నిక‌కు నోటిఫికేష‌న్ ఇవ్వ‌కుండా ఆపాల‌ని పీజేఆర్ కూతురు, కాంగ్రెస్ నేత విజ‌యారెడ్డి కోరారు. ఈమేర‌కు ఆమె గురువారం హైకోర్టులో పిటిష‌న్ దాఖ‌లు చేశారు. నోటిఫికేష‌న్ జారీ చేయ‌కుండా ఎలక్షన్ కమిషన్‌కు ఆదేశాలు ఇవ్వాలని పిటిష‌న్‌లో విజ్ఞ‌ప్తి చేశారు.

దానం నాగేంద‌ర్‌ ఎన్నిక చెల్లదంటూ విజయారెడ్డి 2024లో పిటిషన్‌ దాఖలు చేశారు. ఈ నేపథ్యంలో అప్పటి పిటిషన్‌పై తుది తీర్పు వెలువ‌రించాకే నోటిఫికేషన్‌ ఇవ్వాలని విజయారెడ్డి కోరారు. ఇందులో భాగంగానే ఖైరతాబాద్‌ నియోజకవర్గానికి ఉప ఎన్నిక నిర్వహించే ప్రక్రియను నిలిపివేయాలని విజ్ఞప్తి చేశారు. ఈ పిటిషన్‌లో ఎన్నికల సంఘం (ఎస్‌ఈసీ), దానం నాగేందర్‌ను ఆమె ప్రతివాదులుగా పేర్కొన్నారు.

ఇటీవల పార్టీ ఫిరాయింపుల వ్యవహారంలో తెలంగాణ హైకోర్టు ఇచ్చిన తీర్పుతో ఎమ్మెల్యే దానం నాగేందర్‌పై అనర్హత వేటు పడటం, దాన్ని సుప్రీంకోర్టు కూడా సమర్థించడంతో ఖైరతాబాద్ నియోజకవర్గానికి ఉప ఎన్నిక అనివార్యమైంది. ఈ క్రమంలో ఖైరతాబాద్ కాంగ్రెస్ టికెట్ ఆశిస్తున్న విజయారెడ్డి, ఈ ఉప ఎన్నికల నోటిఫికేషన్‌ను సవాలు చేస్తూ హైకోర్టును ఆశ్రయించడం రాజకీయంగా ప్రాధాన్యం సంతరించుకుంది. మ‌రోవైపు హైకోర్టు విచారణలో ఎలాంటి నిర్ణయం తీసుకుంటుంద‌నేది ఆసక్తికరంగా మారింది.