Sri Rama Navami | అభిజిత్ ల‌గ్న సుముహూర్త‌మున భ‌ద్రాచ‌ల‌ శ్రీ సీతారాముల క‌ల్యాణం..

Sri Rama Navami | త్రినేత్ర‌.న్యూస్‌: శ్రీరామ న‌వ‌మి (Sri Rama Navami) సంద‌ర్భంగా భ‌ద్రాచ‌లంలో (Bhadrachalam) సీతారాముల క‌ల్యాణం వైభ‌వంగా జ‌రిగింది. అభిజిత్ ల‌గ్న సుముహూర్త‌మున భ‌క్త రామ‌దాసు చేసించిన తాళిని భ‌ద్రాద్రి రామ‌య్య.. సీత‌మ్మ‌వారికి క‌ట్టారు. మిథిలా స్టేడియంలో జ‌రిగిన‌ ఈ క‌ల్యాణఘ‌ట్టాన్ని క‌న్నులారా వీక్షించి భ‌క్తులు త‌రించిపోయారు. ప్ర‌భుత్వం త‌ర‌ఫున సీఎం రేవంత్ రెడ్డి దంప‌తులు స్వామి అమ్మ‌వార్ల‌కు ప‌ట్టు వ‌స్త్రాలు, ముత్యాల త‌లంబ్రాలు స‌మ‌ర్పించారు. వివాహ వేడుక‌కు ఉప‌ముఖ్య‌మంత్రి మ‌ట్లు భ‌ట్టు విక్ర‌మార్క, మంత్రులు కొండా సురేఖ‌, సీత‌క్క‌, పొంగులేటి శ్రీనివాస్ రెడ్డి, అడ్లూరి ల‌క్ష్మ‌ణ్‌కుమార్‌, ప‌లువ‌రు ప్ర‌ముఖులు, పెద్ద సంఖ్య‌లో భ‌క్తులు త‌ర‌లివ‌చ్చారు. భ‌ద్రాచ‌లం వీధులు రామ‌నామ స్మ‌ర‌ణ‌తో మార్మోగాయి.

అంత‌కుముందు భ‌ద్రాచ‌లం ఆల‌య అభివృద్ధి ప‌నుల‌కు సీఎం రేవంత్ రెడ్డి భూమిపూజ చేశారు. తొలి విడుత‌లో రూ.351 కోట్ల‌తో చేప‌ట్టే ప‌నుల‌కు ఆయ‌న శంకుస్థాప‌న చేశారు.