High Court | రంగ‌నాథ్‌ను త‌ప్పించండి.. ప్ర‌భుత్వ ప్ర‌ధాన కార్య‌ద‌ర్శికి హైకోర్టు ఆదేశాలు

High Court | త్రినేత్ర‌.న్యూస్‌: హైడ్రా కమిషనర్‌ రంగనాథ్‌కు సోమ‌వారం హైకోర్టులో భారీ షాక్ త‌గిలింది. హైడ్రా కమిషనర్ స్థానం నుంచి ఆయ‌న్ని తప్పించాలని హైకోర్టు ఆదేశించింది. ఈ మేరకు రాష్ట్ర ప్ర‌భుత్వ ప్ర‌ధాన కార్య‌ద‌ర్శికి ఆదేశాలు జారీ చేసింది. ఆయ‌న స్థానంలో ఐజీ స్థాయి అధికారిని నియమించాల‌ని సూచించింది. ఓ ఉన్నతాధికారి కోర్టు ఉత్తర్వులను 63 సార్లు ధిక్కరించడం సరికాదని ఈ సంద‌ర్భంగా కోర్టు అభిప్రాయం వ్య‌క్తం చేసింది.

ఇన్ని ధిక్క‌ర‌ణ పిటిష‌న్లు ఎందుకున్న‌య్‌..

హైడ్రా కమిషనర్ రంగనాథ్ హైకోర్టుకు క్షమాపణలు చెప్పారు. ఈ మేరకు ఆయన అఫిడవిట్ దాఖలు చేశారు. కోర్టు, న్యాయవ్యవస్థపై ఎంతో నమ్మకముందని పేర్కొన్న రంగనాథ్ లోతుకుంటలోని సర్వే నెం.1,2లోని 40 ఎకరాల భూమిలోకి వెళ్లలేదని, అక్కడ ఎలాంటి కూల్చివేతలు ఇతర చర్యలు చేపట్టలేదని స్పష్టం చేశారు. కోర్టుకు తెలియ‌జేశారు. రంగనాథ్‌పై 63 కోర్టు ధిక్కరణ (Contempt of Court) పిటిషన్లు ఉన్నాయని హైకోర్టు వివరించింది. ఇన్ని కోర్టు ధిక్కరణ పిటీషన్లు ఎందుకు దాఖలయ్యాయని ప్రభుత్వ న్యాయవాదిని కోర్టు ప్రశ్నించింది. దీంతో ఇప్పటివరకు జరిగిన పరిణామాలకు బేషరతుగా క్షమాపణలు కోరుతున్నట్లుగా రంగ‌నాథ్‌ పేర్కొన్నారు.