త్రినేత్ర News Logo
DIGITAL-NEWS

Manchirevula | మంచిరేవుల దగ్గర ‘ఘర్ ఎ ముబారక్’ గుట్టల్లో ఎరుపు రంగు రాతలు

Manchirevula | మంచిరేవుల ఫారెస్టు ట్రెక్ పార్కు స‌మీపంలోని ‘ఘర్ ఏ ముబారక్’ దర్గా గుట్ట పక్కన వున్న గుట్టలో ఎరుపు రంగులో రాసిన రాత‌ల‌ను కొత్త తెలంగాణ చ‌రిత్ర బృందం, సేవ్ రాక్స్, క్లైమేట్ ఫ్రంట్ తెలంగాణ బృందానికి చెందిన స‌భ్యులు గుర్తించారు.

S

Telangana | Published On Nov 21, 2026, 3.46 pm IST

Manchirevula | మంచిరేవుల దగ్గర ‘ఘర్ ఎ ముబారక్’ గుట్టల్లో ఎరుపు రంగు రాతలు
Advertisement

Manchirevula | త్రినేత్ర న్యూస్ : మంచిరేవుల ఫారెస్టు ట్రెక్ పార్కు స‌మీపంలోని ‘ఘర్ ఏ ముబారక్’ దర్గా గుట్ట పక్కన వున్న గుట్టలో ఎరుపు రంగులో రాసిన రాత‌ల‌ను కొత్త తెలంగాణ చ‌రిత్ర బృందం, సేవ్ రాక్స్, క్లైమేట్ ఫ్రంట్ తెలంగాణ బృందానికి చెందిన స‌భ్యులు గుర్తించారు. అక్క‌డున్న ఓ ప్రాచీన ఆవాసం వ‌ద్ద ప‌రిగెరాయి కింద రాతిగుండు గోడ మీద ఈ రాత‌ల‌ను కొత్త తెలంగాణ చరిత్ర బృందం స‌భ్యుడు కావ‌లి చంద్ర‌కాంత్ గుర్తించారు. ఈ ప్రాంతంలో ట్రెక్కింగ్ చేస్తూ గతంలో ఫారెస్టు ట్రెక్ పార్కులో రాక్ ఆర్ట్, పాతరాతియుగం పనిముట్లను క‌నుగొన్న సంగ‌తి తెలిసిందే.

శ‌నివారం కొత్త తెలంగాణ చరిత్రబృందం అధ్యక్షుడు రామోజు హరగోపాల్, పరిశోధక సభ్యుడు కావలి చంద్రకాంత్, క్లైమేట్ ఫ్రంట్ తెలంగాణ‌ వైస్ ప్రసిడెంట్ మీర్ ఒమర్ అలీఖాన్, మిత్రులు సిద్ధార్థ, సేవ్ రాక్స్ నుంచి డా. సుధీర్ భాను ఈ ప్రదేశాన్ని పరిశీలించి, ఆ రాతలను చదివే ప్రయత్నం చేసారు. హరగోపాల్ ఈ రాతలలో చెదిరిపోగా మిగిలిన లిపిని, 1. వి(1వ శ. బ్రాహ్మీలిపి), 2. త, 3. తారః , 4. (కు)ష్ట చారు, 5. దురు(7వ శతాబ్దం తెలుగన్నడ లిపి) అని చదివారు. వర్షంవల్ల రంగు కరిగిపోయి లిపి స్పష్టంగా కనిపించడం లేదని తెలిపారు.

గతంలో రాతి చిత్రాలున్న తావులలో పాండవుల గుట్ట, వర్గల్, సీతమ్మలొద్ది వంటి పలుతావుల్లో రాతిచిత్రాలతో పాటు బ్రాహ్మీ నుంచి తెలుగన్నడ లిపిదాకా పలు నామశాసనాలను, పొడి అక్షరాలను కొత్త తెలంగాణ చరిత్ర బృందం గుర్తించింది. ఇప్పుడు ఈ ప్రాంతంలో కేవలం రాతి చిత్రాలు కాక రాతలే వుండటం, అవి 1వ శతాబ్దం నుంచి 7వ శతాబ్దం వరకు బ్రాహ్మీ, తెలుగన్నడ లిపులు కనిపించడం విశేషం. వీటిని భద్రపరిచి, పరిశోధన చేస్తే మరిన్ని వివరాలు తెలిసే అవకాశముందని పరిశోధకులు భావించారు.

Advertisement

తాజావార్తలు

Advertisement