TG Weather | ఏప్రిల్ 2 వ‌ర‌కు రాష్ట్రంలో వ‌ర్షాలు.. వెల్ల‌డించిన వాతావ‌ర‌ణ‌శాఖ‌..!

TG Weather | ఏప్రిల్ 2 వ‌ర‌కు రాష్ట్రంలో వ‌ర్షాలు కురుస్తాయ‌ని హైద‌రాబాద్ వాతావ‌ర‌ణ కేంద్రం తెలిపింది. ఈ మేర‌కు ఆయా జిల్లాల‌కు వాతావ‌ర‌ణ‌శాఖ ఎల్లో అలెర్ట్‌ను జారీ చేసింది. రాబోయే మూడురోజుల్లో గ‌రిష్ట ఉష్ణోగ్ర‌త‌లు రెండు నుంచి మూడు డిగ్రీల వ‌ర‌కు క్ర‌మంగా పెరిగే అవ‌కాశం ఉంద‌ని, ఆ త‌ర్వాత నాలుగు రోజుల్లో సాధార‌ణ స్థాయిలో ఉంటాయ‌ని పేర్కొంది. శ‌నివారం ఆదిలాబాద్‌, నిర్మ‌ల్‌, నిజామాబాద్‌, న‌ల్గొండ‌, సూర్యాపేట‌, సిద్దిపేట‌, యాదాద్రి భువ‌న‌గిరి, రంగారెడ్డి, హైద‌రాబాద్‌, మేడ్చ‌ల్ మ‌ల్కాజ్‌గిరి, వికారాబాద్‌, సంగారెడ్డి, మెద‌క్‌, కామారెడ్డి, మ‌హ‌బూబ్‌న‌గ‌ర్‌, నాగ‌ర్ క‌ర్నూల్‌, వ‌న‌ప‌ర్తి, నారాయ‌ణ‌పేట‌, జోగులాంబ గ‌ద్వాల జిల్లాల్లో వ‌ర్షాలు ఉరుములు, మెరుపులు, ఈదురుగాలుల‌తో కూడిన వ‌ర్షం ప‌డే సూచ‌న‌లున్నాయ‌ని తెలిపింది.

ఆదివారం ఆదిలాబాద్‌, కుమ్రంభీం ఆసిఫాబాద్‌, నిర్మ‌ల్‌, నిజామాబాద్‌, కొత్త‌గూడెం, ఖ‌మ్మం, మ‌హ‌బూబాబాద్‌, రంగారెడ్డి, హైద‌రాబాద్‌, మేడ్చ‌ల్ మ‌ల్కాజ్‌గిరి, వికారాబాద్‌, సంగారెడ్డి, మెద‌క్‌, కామారెడ్డి, మ‌హ‌బూబ్‌న‌గ‌ర్‌, నాగ‌ర్ క‌ర్నూల్‌, వ‌న‌ప‌ర్తి, నారాయ‌ణ‌పేట‌, జోగులాంబ గ‌ద్వాల జిల్లాల్లో అక్క‌డ వ‌ర్షాలు ప‌డే అవ‌కాశాలున్నాయ‌ని తెలిపింది. సోమ‌వారం ఆదిలాబాద్‌, ఆసిఫాబాద్‌, మంచిర్యాల‌, నిర్మ‌ల్‌, నిజామాబాద్‌, జ‌గిత్యాల‌, రాజ‌న్న సిరిసిల్ల‌, భూపాల‌ప‌ల్లి, ములుగు, కొత్త‌గూడెం, రంగారెడ్డి, వికారాబాద్‌, సంగారెడ్డి, మెద‌క్‌, కామారెడ్డి, మ‌హ‌బూబ్‌న‌గ‌ర్‌, నారాయ‌ణ‌పేట జిల్లాల్లో వ‌ర్షాలు కురిసేందుకు అవ‌కాశాలున్నాయ‌ని పేర్కొంది.

మంగ‌ళ‌వారం ఆదిలాబాద్‌, ఆసిఫాబాద్‌, మంచిర్యాల‌, నిర్మ‌ల్‌, నిజామాబాద్‌, జ‌గిత్యాల‌, రాజ‌న్న సిరిసిల్ల‌, క‌రీంన‌గ‌ర్‌, పెద్ద‌ప‌ల్లి, జ‌య‌శంక‌ర్ భూపాల‌ప‌ల్లి, ములుగు, భ‌ద్రాద్రి కొత్త‌గూడెం, మ‌హ‌బూబాబాద్‌, వ‌రంగ‌ల్‌, హ‌నుమ‌కొండ‌, జ‌న‌గాం, సిద్దిపేట‌, యాదాద్రి భువ‌న‌గిరి, హైద‌రాబాద్‌, మేడ్చ‌ల్ మ‌ల్కాజ్‌గిరి, వికారాబాద్‌, సంగారెడ్డి, మెద‌క్‌, కామారెడ్డి జిల్లాల్లో అక్క‌డ‌క్క‌డ వ‌ర్షాలు ప‌డే అవ‌కాశం ఉంద‌ని తెలిపింది. బుధ‌వారం ఉమ్మ‌డి ఆదిలాబాద్‌, నిజామాబాద్‌, ఖ‌మ్మం, న‌ల్గొండ‌, మెద‌క్ జిల్లాల‌తో పాటు ప‌లుచోట్ల వాన‌లు ప‌డే అవ‌కాశాలున్నాయ‌ని వివ‌రించింది. గురువారం ప‌లుచోట్ల ఉరుములు, మెరుపులు, ఈదురుగాలుల‌తో కూడిన వాన‌లు ప‌డే అవ‌కాశాలున్నాయ‌ని హైద‌రాబాద్ వాతావ‌ర‌ణ కేంద్రం తెలిపింది.