Etela Rajender | ‘నీ ఏడుపే బీజేపీకి శాపం’.. ఈట‌ల‌కు వ్య‌తిరేకంగా వెలసిన ఫ్లెక్సీలు

Etela Rajender | త్రినేత్ర‌.న్యూస్ : భార‌తీయ జ‌నతా పార్టీలో చోటు చేసుకున్న అంత‌ర్గ‌త కుమ్ములాట‌లు మ‌రోసారి బ‌హిర్గ‌త‌మ‌య్యాయి. పార్టీ నేత‌ల మ‌ధ్య ఉన్న అంత‌ర్గ‌త రాజ‌కీయాలు బ‌జారుకెక్కాయి. మ‌ల్కాజ్‌గిరి బీజేపీ ఎంపీ ఈట‌ల రాజేంద‌ర్‌కు వ్య‌తిరేకంగా వెలసిన పోస్టర్లు భార‌తీయ జ‌న‌తా పార్టీలో క‌ల‌క‌లం రేపుతున్నాయి. నీ ఏడుపే బీజేపీకి శాపం అంటూ గుర్తుతెలియని వ్యక్తులు ఏర్పాటు చేసిన ఫ్లెక్సీలు ఇప్పుడు బీజేపీతో పాటు ఇత‌ర పార్టీల్లో చ‌ర్చనీయాంశంగా మారాయి.

అస‌లు ఫ్లెక్సీలో ఏముందంటే..?

ఈటల ఏడుపే బీజేపీకి శాపం..!
రాష్ట్ర అధ్య‌క్ష ప‌ద‌వి రాలేద‌ని ఏడుపు..
సీఎం అభ్య‌ర్థిగా ప్ర‌క‌టించ‌లేద‌ని ఏడుపు..
కేంద్ర మంత్రి ప‌ద‌వి రాలేద‌ని ఏడుపు..
రెండు చోట్ల ఎమ్మెల్యేగా పోటీ చేసే అవ‌కాశం ఇచ్చింది బీజేపీ..
ఓడిపోయినా మ‌ల్కాజ్‌గిరి ఎంపీ టికెట్ ఇచ్చింది బీజేపీ..
మోదీ గారి నాయ‌క‌త్వంలో గెలిచాక కూడా..
నా ఇమేజ్‌తోనే గెలిచాను అన‌డం ఏ రాజ‌కీయ నైతిక‌త‌..?

బీసీ నాయ‌కులు ఎదుగుతుంటే అస‌హ‌నం ఎందుకు..?
ఇందూరు బిడ్డ ఎంపీ అర‌వింద్‌కు వ‌స్తున్న ఆద‌ర‌ణ చూసి క‌డుపు మంట ఎందుకు..?
నేనే బీసీ నాయ‌కుడిని.. నేనే ప్ర‌త్యామ్నాయం అనే భ్ర‌మ‌ల్లో నుంచి బ‌య‌ట‌కు రా ఈట‌ల‌..!
బీజేపీ నీకు ఎన్నో అవ‌కాశాలు ఇచ్చిందంటూ.. ఫ్లెక్సీల‌పై ముద్రించారు.