BRS Party | నారాయ‌ణ‌గూడ పీఎస్‌లో తాతా మ‌ధు, న‌వీన్ రెడ్డి విచార‌ణ‌

BRS Party | త్రినేత్ర‌.న్యూస్ : బీఆర్ఎస్ ఎమ్మెల్సీ తాతా మ‌ధును మంగ‌ళ‌వారం ఉద‌యం 7 గంట‌ల‌కు పోలీసులు అరెస్టు చేశారు. న్యూ ఎమ్మెల్యే క్వార్ట‌ర్స్ వ‌ద్ద అదుపులోకి తీసుకుని నారాయ‌ణ‌గూడ పోలీసు స్టేష‌న్‌కు త‌ర‌లించారు. తాతా మ‌ధుతో పాటు మ‌రో ఎమ్మెల్సీ న‌వీన్ రెడ్డిని కూడా అరెస్టు చేశారు. వీరిద్ద‌రిని పోలీసులు విచారించి స్టేట్‌మెంట్ రికార్డు చేశారు. అయితే తాతా మ‌ధుపై ఎస్సీ, ఎస్టీ వేధింపుల చ‌ట్టం కింద కేసు న‌మోదు చేశారు. మ‌రికాసేప‌ట్లో తాతా మ‌ధును నాంప‌ల్లి కోర్టులో హాజ‌రు ప‌ర‌చ‌నున్నారు. నిన్న అసెంబ్లీ స‌మావేశాల సంద‌ర్భంగా బీఆర్ఎస్ ఎమ్మెల్యేలు, ఎమ్మెల్సీల‌ను పోలీసులు అడ్డుకున్న సంగ‌తి తెలిసిందే. ఈ క్ర‌మంలో ఎమ్మెల్సీ తాతా మ‌ధు.. స్పీక‌ర్ గ‌డ్డం ప్ర‌సాద్ కుమార్‌పై అనుచిత వ్యాఖ్య‌లు చేసిన నేప‌థ్యంలో ఆయ‌న‌ను అరెస్టు చేయాలని కాంగ్రెస్ నాయకులు డిమాండు చేసిన విషయం తెలిసిందే.