OU Law Exams | ఓయూ లా ప‌రీక్ష‌లు వాయిదా

OU Law Exams | త్రినేత్ర‌.న్యూస్‌ : రాష్ట్రంలో మున్సిపల్ ఎన్నికలకు (Municipal Elections) నోటిఫికేషన్ విడుదలైన నేపథ్యంలో వ‌చ్చే నెల 11న నిర్వహించాల్సిన ఉస్మానియా యూనివర్సిటీ (Osmania University) పరిధిలోని లా కోర్సుల పరీక్షలను వాయిదా వేసినట్లు ఓయూ కంట్రోలర్ ఆఫ్ ది ఎగ్జామినేషన్స్ ప్రొఫెసర్ శశికాంత్ ఒక ప్రకటనలో తెలిపారు. ఆ రోజు నిర్వహించాల్సిన అన్ని లా కోర్సుల పరీక్షలను తిరిగి 16వ తేదీన నిర్వహించనున్నట్లు ప్రకటించారు. ఇతర పరీక్షలను యథావిధిగా నిర్వహించనున్నట్లు చెప్పారు. పరీక్షా కేంద్రం, సమయంలలో ఎటువంటి మార్పు ఉండబోదని స్పష్టం చేశారు. ఇతర వివరాలకు ఓయూ వెబ్సైట్ www.osmania.ac.inలో చూసుకోవచ్చని పేర్కొన్నారు.