Dandiya Event | దాండియా వేడుకలో కూలిన లైటింగ్‌ సిస్టమ్‌.. విద్యార్థిని మృతి

Dandiya Event | త్రినేత్ర న్యూస్‌: దసరా పండుగ వేళ విద్యార్థులంతా ఉత్సాహంగా దాండియా నృత్యం (Dandiya Celebration) చేస్తుండగా జరిగిన ప్రమాదం తీవ్ర విషాదాన్ని నింపింది. హైద‌రాబాద్‌లోని నాదర్‌గుల్‌లో ఉన్న‌ ఎంవీఎస్‌ఆర్‌ ఇంజినీరింగ్ కాలేజీలో (MVSR Engineering College) దాండియా ఈవెంట్ (Dandiya Event) నిర్వ‌హించారు. ఈ కార్యక్రమంలో విద్యార్థులంతా కలిసి దాండియా నృత్యం చేస్తుండగా లైటింగ్ సిస్టమ్ (Lighting System) ఒక్కసారిగా కుప్పకూలాయి. దీంతో మంటలు చెలరేగడంతో ఓ విద్యార్థిని మృతి చెందింది. పలువురు విద్యార్థులకు గాయాలయ్యాయి. క్షతగాత్రులను హుటాహుటిన ఆస్పత్రికి తరలించారు.

మృతిచెందిన విద్యార్థినిని వ‌న‌ప‌ర్తి జిల్లాకు చెందిన సోనీగా గుర్తించారు. ప్ర‌మాదంలో ఆమె సోద‌రి కూడా తీవ్రంగా గాయ‌ప‌డింది. ప్ర‌స్తుతం ఆమె ప‌రిస్థితి విష‌మంగా ఉన్న‌ట్లు తెలుస్తున్న‌ది. కళాశాల సమీపంలో గాలివాన రావడంతో లైటింగ్ సిస్టమ్‌ ఒక్కసారిగా కింద పడిపోవటంతో (Collapses) ఈ ప్రమాదం జరిగినట్లు సమాచారం. ఈ దుర్ఘటనలో సుమారు 25 మంది విద్యార్థులు గాయపడగా అక్కడే ఉన్న మిగిలిన విద్యార్థులు, సిబ్బంది హుటాహుటిన వారిని సమీపంలోని ప్రైవేటు హాస్పిటల్​కు తరలించారు. ఈ ఘ‌ట‌న‌పై కేసు న‌మోదుచేసిన పోలీసులు ద‌ర్యాప్తు చేస్తున్నారు.

సీఎం రేవంత్ రెడ్డి దిగ్భ్రాంతి

ఇంజినీరింగ్ కళాశాలలో లైటింగ్‌ సిస్టమ్‌ కూలిపడి విద్యార్థిని మృతి చెందిన ఘటనపై సీఎం రేవంత్ రెడ్డి (Revanth Reddy) దిగ్భ్రాంతి వ్యక్తం చేశారు. బాధిత కుటుంబానికి తన ప్రగాఢ సానుభూతిని తెలిపారు. గాయపడిన విద్యార్థులకు మెరుగైన వైద్యాన్ని అందించాలని అధికారుల‌కు సూచించారు. ప్రమాదానికి బాధ్యులైన వారిని గుర్తించి కఠిన చర్యలు తీసుకోవాలని ఆదేశింశారు.

విద్యార్థిని మృతిపై కేటీఆర్ ఆవేదన

విద్యార్థిని మృతి చెందడం తీవ్ర ఆవేదనకి గురిచేసిందని బీఆర్ఎస్ వర్కింగ్ ప్రెసిడెంట్ కేటీఆర్ (KTR) అన్నారు. ఈ విషాద ఘటనలో ప్రాణాలు కోల్పోయిన విద్యార్థిని కుటుంబానికి ప్రగాఢ సానుభూతి తెలిపారు. ప్రమాదంలో గాయపడిన విద్యార్థులు త్వరగా కోలుకోవాలని ఆకాంక్షించారు. గాయపడిన వారికి మెరుగైన వైద్య చికిత్స అందేలా చూడాలని కోరారు. బాధిత కుటుంబాలకు ఈ విషాదాన్ని తట్టుకునే మనోధైర్యం కలగాలని ఆకాంక్షించారు.

Lighting collapse kills one at MVSR Dandiya event

A Dandiya celebration at MVSR Engineering College in Nadargul ended in tragedy when a lighting system fell onto the crowd during the event. One person died on spot. Several students were reportedly hurt, and college staff rushed them to hospitals for urgent care. The cause of the collapse is still unknown. More details are awaited.

Telangana Chief Minister Revanth Reddy said he was shocked by the death of a student, offered condolences to the family, and ordered better medical care for the injured. He also directed officials to find out who was responsible and to take strict action.

#MVSRcollegeaccidnets #Hyderabadnews #Nadargulnews #Hyderabaddandiyaevent

— Hyderabad Mail (@Hyderabad_Mail) October 17, 2026