Uttam Vs Revanth | మ‌రోసారి ఉత్త‌మ్ వ‌ర్సెస్ రేవంత్‌

అసెంబ్లీలో ప్రజెంటేషన్పైనా నేనా? నువ్వా? బహిర్గతమైన ఆధిపత్య పోరు Uttam Vs Revanth | రాష్ట్రంలోని కాంగ్రెస్ (Congress) ప్రభుత్వ పెద్దల మధ్య ఉన్న విభేదాలు మరోసారి బహిర్గతమయ్యాయి. అసెంబ్లీ (Assembly) వేదికగా శనివారం మధ్యాహ్నం పన్నెండు గంటలకు ఇరిగేషన్ ప్రాజెక్టులపై పవర్ పాయింట్ ప్రజెంటేషన్ (PPT) ఇవ్వాల్సిన నేపథ్యంలో మరోసారి ముఖ్యమంత్రి (CM) రేవంత్రెడ్డి (Revanth Reddy), నీటిపారుదల శాఖ మంత్రి ఉత్తమ్ కుమార్ రెడ్డి (Uttam Kumar Reddy)ల మధ్య వాగ్వాదం చోటు చేసుకున్నట్లు సమాచారం. సీఎం రేవంత్రెడ్డి పీపీటీ తానే ఇస్తాననడంతో.. లేదు తానే ఇస్తానని ఉత్తమ్ స్పష్టం చేసినట్లు తెలిసింది. నీటిపారుదల శాఖ మంత్రిగా తానే ప్రజెంటేషన్ ఇస్తానని ఉత్తమ్ ఖరాఖండిగా తేల్చినప్పటికీ సీఎం ససేమిరా అన్నారని వినికిడి. దీంతో అలక వహించిన ఉత్తమ్ అసెంబ్లీ నుంచి అర్థాంతరంగా వెళ్లిపోయినట్లు అసెంబ్లీ లాబీల్లో గుసగుసలు వినిపించాయి. రెండు రోజుల క్రితమే అధిష్టానానికి ఫిర్యాదు ఈ నెల 1న ప్రజాభవన్ వేదికగా మంత్రి ఉత్తమ్ కృష్ణా, గోదావరి బేసిన్ అంశాల మీద పవర్ పాయింట్ ప్రజెంటేషన్ ఇవ్వడానికి అందర్నీ పిలిచి పవర్ పాయింట్ ప్రజెంటేషన్ ఇచ్చిన విషయం తెలిసిందే. కానీ అంత కష్టపడి ప్రిపేర్ అయి గంటన్నరపాటు పవర్ పాయింట్ ప్రజెంటేషన్ ఇస్తే లైవ్ రాకుండా అడ్డుకుంది ఎవరు అంటూ ఉత్తమ్ అధికారులపై ఆగ్రహం వ్యక్తం చేశారు. ఉత్తమ్ కుమార్ రెడ్డి మాట్లాడటం ప్రారంభించిన ఐదు నిమిషాలకే ఐఅండ్పీఆర్ లైవ్ కట్ అయింది. ఆ తరువాత సరిగ్గా గంట 38 నిమిషాల తరువాత సీఎం రేవంత్ రెడ్డి మాట్లాడటం స్టార్ట్ చేయగానే మళ్లీ లైవ్ ఆన్ అయింది. కార్యక్రమం పూర్తయిన తరువాత ఇంటికి వెళ్లి పీపీటీ ఎలా వచ్చిందని ఆరా తీయగా, అసలు పీపీటీ టెలీకాస్ట్ కాలేదని తెలిసి ఉత్తమ్ షాక్ అయ్యారు. ఆయన మాట్లాడడం ప్రారంభించిన అయిదు నిమిషాలకే టెక్నికల్ సమస్య వచ్చి లైవ్ ఆగిపోయిందని అధికారులు చెప్పడంతో ఆయన అవాక్కయ్యారు. రేవంత్ ఆదేశాలతోనే లైవ్ కట్ చేశారనే అనుమానంతో రేవంత్రెడ్డికి ఫోన్ చేసి తన పీపీటీ లైవ్ రాకుండా సీఎం స్పీచ్ లైవ్ ఎలా వచ్చిందని ఆగ్రహం వ్యక్తం చేసినట్లు తెలిసింది. మైలేజ్ నీ ఒక్కడికే కావాలా అంటూ సీఎంపై చిందులు తొక్కినట్లు సమాచారం. సీనియర్ మంత్రిని నన్నే ఇంత అవమానిస్తారా, నేనేం చేయాలో నాకు బాగా తెలుసు అంటూ సహచర మంత్రులు, సన్నిహితుల దగ్గర వ్యాఖ్యానించినట్లు భోగట్టా. దీనిపై అధిష్టానానికి సైతం ఉత్తమ్ ఫిర్యాదు చేశారు.