TG Weather | తెలంగాణ‌లో రెండురోజులు వాన‌లే..!

TG Weather | తెలంగాణ‌లో రెండురోజుల పాటు ప‌లు జిల్లాల్లో అక్క‌డ‌క్క‌డ వ‌ర్షాలు కురుస్తాయ‌ని హైద‌రాబాద్ వాతావ‌ర‌ణ కేంద్రం హెచ్చ‌రించింది. ఈ క్ర‌మంలో ప‌లు జిల్లాల‌కు ఎల్లో అలెర్ట్‌ను జారీ చేసింది. బుధ‌వారం సంగారెడ్డి, రంగారెడ్డి, వికారాబాద్‌, మెద‌క్‌, కామారెడ్డి, మ‌హ‌బూబ్‌న‌గ‌ర్, నాగ‌ర్ క‌ర్నూల్‌, సిద్దిపేట‌, వికారాబాద్‌, వ‌రంగ‌ల్‌, వ‌న‌ప‌ర్తి, భువ‌న‌గిరి, కొత్త‌గూడెం, జ‌న‌గాం, భూపాల‌ప‌ల్లి త‌దిత‌ర జిల్లాల్లో అక్క‌డ‌క్క‌డ ఉరుములు, మెరుపులతో వ‌ర్షాలు కురుస్తాయ‌ని వాతావ‌ర‌ణ శాఖ పేర్కొంది. గురువారం సంగారెడ్డి, రంగారెడ్డి, మెద‌క్‌, కామారెడ్డి జిల్లాల్లో వ‌ర్షాలు కురిసే అవ‌కాశాలున్నాయ‌ని వివ‌రించింది. ఇదిలా ఉండ‌గా.. ద‌క్షిణ ఇంటీరియ‌ర్ క‌ర్నాట‌క నుంచి మ‌రాఠ్వాడ వ‌ర‌కు ఉన్న ద్రోణి వాయువ్య త‌మిళనాడు నుంచి ద‌క్షిణ ఇంటీరియ‌ర్ క‌ర్నాట‌క మీదుగా మ‌హారాష్ట్ర వ‌ర‌కు స‌ముద్ర మ‌ట్టానికి 0.9 కిలోమీట‌ర్ల ఎత్తు వ‌ర‌కు కొన‌సాగుతోంద‌ని పేర్కొంది.