Jagadish Reddy Birthday | లండన్‌లో ఘనంగా మాజీ మంత్రి బర్త్‌డే.. ‘జై జగదీశ్ అన్న’ నినాదాలతో హోరెత్తిన వేడుకలు

Jagadish Reddy Birthday | త్రినేత్ర.న్యూస్ : సూర్యాపేట ఎమ్మెల్యే (Suryapet MLA), మాజీ మంత్రి జగదీశ్ రెడ్డి పుట్టినరోజు వేడుకలు లండన్ (London) నగరంలో అత్యంత అట్టహాసంగా జరిగాయి. ఎన్నారై బీఆర్‌ఎస్ యూకే (NRI BRS UK) విభాగం ఆధ్వర్యంలో అక్కడి ప్రవాస భారతీయులు, పార్టీ అభిమానులు పెద్ద ఎత్తున ఈ బర్త్‌డే సెలబ్రేషన్స్‌లో పాల్గొన్నారు.

కేక్ కటింగ్.. అభిమానుల సందడి

యూకేలోని పలు ప్రాంతాల నుంచి వచ్చిన బీఆర్‌ఎస్ శ్రేణులు, అభిమానులు ఉపాధ్యక్షుడు గొట్టేముక్కుల సతీష్ రెడ్డి ఆధ్వర్యంలో ఒకచోట చేరారు. అభిమాన నేత బర్త్‌డే సందర్భంగా కేక్ కట్ చేసి శుభాకాంక్షలు (Birthday wishes) తెలిపారు. ఈ సందర్భంగా వేదిక వద్ద 'జై జగదీశ్ అన్న', 'లాంగ్ లివ్ జగదీశ్ అన్న' అనే నినాదాలు మార్మోగాయి.

అభివృద్ధి ప్రదాతకు నీరాజనాలు

ఈ వేడుకల్లో పాల్గొన్న ఎన్నారై బీఆర్‌ఎస్ యూకే అధ్యక్షుడు నవీన్ రెడ్డి మాట్లాడుతూ.. జగదీశ్ రెడ్డి నిండు నూరేళ్లు ఆయురారోగ్యాలతో ఉంటూ, తెలంగాణ ప్రజలకు మరింత సేవ చేయాలని ఆకాంక్షించారు. ఉమ్మడి నల్గొండ జిల్లాకు సాగు, తాగునీరు అందించి రైతుల కష్టాలను తీర్చిన ఘనత ఆయనదేనని ఉపాధ్యక్షుడు సతీష్ రెడ్డి కొనియాడారు.

విద్యుత్ శాఖ మంత్రిగా రాష్ట్రాన్ని చీకట్ల నుంచి బయటపడేసి, నిరంతర కరెంట్ ఇవ్వడంలో ఆయన చేసిన కృషి మరువలేనిదని మరో ఉపాధ్యక్షుడు రవికుమార్ రేటినేని గుర్తుచేశారు. సూర్యాపేట రూపురేఖలు మార్చిన ఘనత ఆయనకే దక్కుతుందని అధికార ప్రతినిధి రవి ప్రదీప్ గౌడ్ ప్రశంసించారు.

పాల్గొన్న ఎన్నారై ప్రతినిధులు వీరే..

లండన్‌లో జరిగిన ఈ బర్త్‌డే వేడుకల్లో ఎన్నారై బీఆర్‌ఎస్ యూకే అధ్యక్షుడు నవీన్ రెడ్డి, ఉపాధ్యక్షులు హరి గౌడ్ నవాబుపేట, సత్య చిలుముల, జనరల్ సెక్రటరీ రత్నాకర్ కడుదుల, ఐటీ అండ్ మీడియా సెక్రటరీ రవి ప్రదీప్ పులుసు, కోశాధికారి సురేష్ బుడగంతో పాటు పలువురు ఎన్నారైలు ఉత్సాహంగా పాల్గొన్నారు.