త్రినేత్ర News Logo
DIGITAL-NEWS

US Accident | న్యూయార్క్‌లో రోడ్డు ప్ర‌మాదం.. న‌ల్ల‌గొండ జిల్లా యువ‌కుడు దుర్మ‌ర‌ణం

US Accident | ఉన్న‌త చ‌దువుల కోసం అమెరికా వెళ్లిన అత‌నికి వారం రోజుల క్రిత‌మే ఉద్యోగం వ‌చ్చింది. ఇంత‌లోనే రోడ్డు ప్ర‌మాదంలో (US Accident) అత‌డు మృతిచెందాడు.

G

Telangana | Published On Nov 21, 2026, 10.22 am IST

US Accident | న్యూయార్క్‌లో రోడ్డు ప్ర‌మాదం.. న‌ల్ల‌గొండ జిల్లా యువ‌కుడు దుర్మ‌ర‌ణం
Advertisement

US Accident | త్రినేత్ర న్యూస్‌: ఉన్న‌త చ‌దువుల కోసం అమెరికా వెళ్లిన అత‌నికి వారం రోజుల క్రిత‌మే ఉద్యోగం వ‌చ్చింది. ఇంత‌లోనే రోడ్డు ప్ర‌మాదంలో (US Accident) అత‌డు మృతిచెందాడు. న‌ల్ల‌గొండ జిల్లా మునుగోడు (Munugode) ప‌ట్ట‌ణానికి చెందిన ఈరమళ్ల ప్రసాద్, శ్రీకన్య దంపతుల పెద్ద కుమారుడు సాయితేజ (25) ఉన్నత చదువుల కోసం అమెరికా వెళ్లారు. వారం రోజుల క్రిత‌మే అతడికి ఉద్యోగం వచ్చింది. ఈ క్ర‌మంలో కారులో ప్రయాణిస్తుండగా రోడ్డుకు జింక అడ్డుగా వచ్చింది. జింకను ఢీకొట్టడంతో వాహనం ఆగిపోయింది. దీంతో వెనక నుంచి వచ్చిన ఓ వ్యాను సాయితేజ కారును ఢీకొట్టింది. తీవ్ర‌గా గాయ‌ప‌డిన అత‌డిని తరలించగా అప్ప‌టికే మృతిచెందినట్లు వైద్యులు ధ్రువీకరించారు. కారులో ఉన్న మ‌రో వ్య‌క్తిని హెలికాప్ట‌ర్‌లో ద‌వాఖాన‌కు త‌ర‌లించారు. ప్ర‌స్తుతం అత‌ని ప‌రిస్థితి విష‌మంగా ఉన్న‌ట్లు అధికారులు చెప్పారు.

కాగా, తమ కుమారుడు ఉద్యోగం సాధించాడనే సంతోషం మరువకముందే మృతి వార్త తెలియడంతో కుటుంబ సభ్యులు కన్నీరుమున్నీరవుతున్నారు. ఆదివారం రాత్రికి భౌతికకాయం మునుగోడుకు వచ్చే అవకాశం ఉంది.

ట్యాగ్స్:

Advertisement
Advertisement