Mupparam | ప్రైవేట్ బడికి పంపితే ప్రభుత్వ పథకాలు కట్.. ముప్పారం గ్రామ‌స‌భ తీర్మానం

Mupparam | త్రినేత్ర‌.న్యూస్‌: ప్ర‌స్తుతం చ‌దువు కొనే ప‌రిస్థితులు లేవు. త‌ల్లిదండ్రులు త‌మ పిల్ల‌ల‌కు విద్యాబుద్దులు నేర్పించాలంటే ల‌క్ష‌ల్లో వెచ్చించాల్సి వ‌న్న‌ది. ఏటా ప్రైవేటు పాఠ‌శాల‌లు (Private School) ఫీజుల‌ను పెంచుతూ పోతూనే ఉంటున్నాయి. దీంతో అది త‌ల్లిదండ్రుల‌కు త‌ల‌కుమించిన భారం అవుతున్న‌ది. ఈ నేప‌థ్యంలో హ‌నుమ‌కొండ జిల్లా ముప్పారం (Mupparam) గ్రామ పంచాయ‌తీ వినూత్న నిర్ణ‌యం తీసుకున్న‌ది.

గ్రామానికి చెందిన‌ చిన్నారులను ప్రైవేట్ పాఠశాలలకు పంపిస్తే ప్రభుత్వ పథకాల్లో (Government Schemes) కోత విధించాలని పంచాయతీ గ్రామసభ తీర్మానించింది. ప్రభుత్వ బడులనే ఎంచుకుని ఉచిత ఇంగ్లిష్ మీడియం, కార్పోరేట్ విద్యా సౌకర్యాన్ని వినియోగించుకోవాలని కోరింది. గ్రామాల్లో పేద, మద్య తరగతి జనం బతికే పరిస్థితి లేద‌ని సర్పంచ్ గుంటిపల్లి రేణుక అన్నారు. ముప్పారం ప్రభుత్వ బడిలో చదువుకునే విద్యార్థులకు గ్రామ పంచాయతీ స్కూల్ యూనిఫాం, పాఠ్యపుస్తకాలను, నోట్ బుక్కులు, బూట్లు, టై, బెల్టుల‌ను ఉచితంగా అందిస్తుంద‌ని చెప్పారు.