Municipal Elections | 24న లేదా 27న మున్సిప‌ల్ ఎన్నిక‌ల నోటిఫికేష‌న్‌..?

Municipal Elections | త్రినేత్ర‌.న్యూస్ : రాష్ట్రంలో మున్సిప‌ల్ ఎన్నిక‌ల నోటిఫికేష‌న్‌కు రంగం సిద్ధ‌మైంది. ఇప్ప‌టికే మున్సిప‌ల్ ఎన్నిక‌ల‌కు సంబంధించి రాష్ట్ర ప్ర‌భుత్వం రిజ‌ర్వేష‌న్ల‌ను ఖ‌రారు చేస్తూ ఉత్త‌ర్వులు జారీ చేసింది. ఓట‌ర్ల తుది జాబితాను కూడా విడుద‌ల చేసింది. ఇక మిగిలింది ఎన్నిక‌ల నోటిఫికేష‌నే. అయితే ఈ నోటిఫికేష‌న్ ఈ నెల 24న లేదా 27న విడుద‌ల‌య్యే అవ‌కాశం ఉన్న‌ట్లు తెలుస్తోంది.

అయితే మున్సిప‌ల్ ఎన్నిక‌ల నిర్వ‌హ‌ణ‌పై తెలంగాణ రాష్ట్ర ఎన్నిక‌ల సంఘం అన్ని ఏర్పాట్లు చేస్తోంది. ఇందులో భాగంగానే కలెక్ట‌ర్ల‌తో ఎస్ఈసీ రాణి కుముదిని వీడియో కాన్ఫ‌రెన్స్ నిర్వ‌హించారు. ఉమ్మ‌డి ఆదిలాబాద్, క‌రీంన‌గ‌ర్ జిల్లాల క‌లెక్ట‌ర్‌తో వీడియో కాన్ఫ‌రెన్స్ నిర్వ‌హించి ఎన్నిక‌ల నిర్వ‌హ‌ణ‌పై కీల‌క ఆదేశాలు జారీ చేశారు. బుధ‌వారం ఉమ్మ‌డి నిజామాబాద్, ఖ‌మ్మం, వ‌రంగ‌ల్ జిల్లాల క‌లెక్ట‌ర్ల‌తో, గురువారం ఉమ్మ‌డి న‌ల్ల‌గొండ‌, మ‌హ‌బూబ్‌న‌గ‌ర్ జిల్లాల క‌లెక్ట‌ర్ల‌తో ఎస్ఈసీ వీడియో కాన్ఫ‌రెన్స్ నిర్వ‌హించ‌నున్నారు. 22వ తేదీ నాటికి ఈ స‌మావేశాలు పూర్తి కానున్నాయి. ఆ త‌ర్వాత ఏ క్ష‌ణ‌మైనా ఎన్నిక‌ల నోటిఫికేష‌న్ విడుద‌ల కానుంది. 24న లేదా 27న ఎన్నిక‌ల నోటిఫికేష‌న్ విడుద‌ల కానున్న‌ట్లు స‌మాచారం.