Rain Alert | నేడు ఈ జిల్లాల్లో భారీ వ‌ర్షాలు.. ఆరెంజ్ అల‌ర్ట్ జారీ..

Rain Alert | త్రినేత్ర‌.న్యూస్‌: రాష్ట్రంలోని ప‌లు జిల్లాల్లో తేలికపాటి నుంచి మోస్తరు, భారీ వర్షాలు, మరికొన్ని చోట్ల ఉరుములు, మెరుపుల కూడిన వాన‌లు (Rain Alert) కురుస్తాయ‌ని హైదరాబాద్ వాతావరణ కేంద్రం (IMD) తెలిపింది. దీంతోపాటు 30-40 కిలోమీటర్ల వేగంతో ఈదురుగాలులు వీచే అవకాశం ఉందని వెల్ల‌డించింది. నాగర్ కర్నూల్, మహబూబ్ నగర్, భువనగిరి, రంగారెడ్డి, మేడ్చల్, కరీంనగర్, కామారెడ్డి జిల్లాల్లో భారీ వర్షాలు కురిసే అవకాశం ఉందని పేర్కొంది. దీంతో ఆయా జిల్లాలకు ఆరెంజ్‌ అలర్ట్ జారీ చేసింది.

ఈ జిల్లాల‌కు ఎల్లో అల‌ర్ట్‌..

ఇక సంగారెడ్డి, వికారాబాద్‌, న‌ల్ల‌గొండ‌, సూర్యాపేట‌, ఖ‌మ్మం, కొత్త‌గూడెం, సిరిసిల్ల‌, సిద్దిపేట‌, వ‌న‌ప‌ర్తి, నారాయ‌ణ‌పేట‌, గ‌ద్వాల జిల్లాల్లో ఉరుముల‌తో కూడిన తేలిక‌పాటి వ‌ర్షం కురుస్తుంద‌ని తెలిపింది. ఈ జిల్లాల‌కు ఎల్లో హెచ్చ‌రిక జారీ చేసింది.

భూపాల‌ప‌ల్లి, మహబూబాబాద్, వరంగల్, హనుమకొండ, హైద‌రాబాద్ జిల్లాలో అక్క‌డక్క‌డ వ‌ర్షం కురిసే అవ‌కాశం ఉంద‌ని తెలిపింది. అదేవిధంగా ఆదిలాబాద్‌, ఆసిఫాబాద్‌, మంచిర్యాల, నిర్మల్‌, నిజామాబాద్‌, జగిత్యాల, పెద్దపల్లి జిల్లాల్లో ఎండ తీవ్రతతో వడగాడ్పులు వీచే అవకాశం ఉన్నట్టు వాతావరణ శాఖ తెలిపింది.