Rain Alert | తెలంగాణ‌లో రేపు, ఎల్లుండి మోస్త‌రు వ‌ర్షాలు..!

Rain Alert | త్రినేత్ర‌.న్యూస్ : తెలంగాణ వ్యాప్తంగా వాతావ‌ర‌ణ ప‌రిస్థితులు పూర్తిగా మారిపోయాయి. గ‌త రెండు రోజుల నుంచి ప‌గ‌టి ఉష్ణోగ్ర‌త‌లు స్వ‌ల్పంగా త‌గ్గాయి. రాత్రి ఉష్ణోగ్ర‌త‌లు కూడా త‌గ్గ‌డంతో ఉక్క‌పోత నుంచి కాస్త ఉప‌శ‌మ‌నం క‌లిగింది. అయితే మ‌రో రెండు రోజుల పాటు రాష్ట్ర వ్యాప్తంగా మోస్త‌రు వ‌ర్షాలు కురిసే అవ‌కాశం ఉంద‌ని ఐఎండీ హైద‌రాబాద్ వాతావ‌ర‌ణ కేంద్రం వెల్ల‌డించింది.

శుక్ర‌, శ‌నివారాల్లో ఉష్ణోగ్ర‌త‌లు త‌గ్గ‌నున్నాయ‌ని వాతావ‌ర‌ణ కేంద్రం పేర్కొంది. ఈ రెండు రోజులు ఈదురుగాలులు, ఉరుముల‌తో కూడిన వ‌ర్షం కురిసే అవ‌కాశం ఉంద‌ని హెచ్చ‌రించింది. ప‌లు ప్రాంతాల్లో తేలిక‌పాటి నుంచి మోస్త‌రు వ‌ర్షాలు కురిసే అవ‌కాశం ఉంద‌ని తెలిపింది.

శుక్ర‌వారం నాడు ఆదిలాబాద్, కుమ్రం భీం ఆసిఫాబాద్, మంచిర్యాల‌, నిర్మ‌ల్, నిజామాబాద్, జ‌గిత్యాల‌, పెద్ద‌ప‌ల్లి, భూపాలప‌ల్లి, ములుగు, కొత్త‌గూడెం, మ‌హ‌బూబాబాద్, వ‌రంగ‌ల్, హ‌నుమ‌కొండ జిల్లాల్లో ఉరుములు, మెరుపుల‌తో కూడిన వ‌ర్షం కురిసే అవ‌కాశం ఉంది.

శ‌నివారం నాడు ఆసిఫాబాద్, మంచిర్యాల‌, పెద్ద‌ప‌ల్లి, భూపాల‌ప‌ల్లి, ములుగు, కొత్త‌గూడెం, ఖ‌మ్మం, న‌ల్ల‌గొండ‌, సూర్యాపేట‌, హ‌నుమ‌కొండ‌, మ‌హ‌బూబ్‌న‌గ‌ర్ జిల్లాల్లో ఈదురుగాలుల‌తో పాటు ఉరుములు, మెరుపుల‌తో కూడిన వ‌ర్షాలు కురిసే అవ‌కాశం ఉంద‌ని తెలిపింది.