Minister Ponnam Prabhakar | కేటీఆర్ అస‌హ‌నం ప‌రాకాష్ట‌కి చేరింది : మంత్రి పొన్నం ప్ర‌భాక‌ర్‌

Minister Ponnam Prabhakar | కాంగ్రెస్ అగ్ర నాయ‌కుడు రాహుల్ గాంధీ విమ‌ర్శిస్తూ బీఆర్ఎస్ వ‌ర్కింగ్ ప్రెసిడెంట్ క‌ల్వ‌కుంట్ల తార‌క‌రామారావు ఉప‌యోగించిన భాష‌ను మంత్రి పొన్నం ప్ర‌భాక‌ర్ త‌ప్పుప‌ట్టారు. కేటీఆర్ అసహనం పరాకాష్టకి చేరింద‌ని విమ‌ర్శించారు. అసహనంలో మీ ఓపికను కోల్పోయి.. ఓటముల పరంపర కొనసాగుతున్న సందర్భంలో రాహుల్ గాంధీని విమర్శించడం ద్వారా పెద్దోడి అవుతాన‌ని కేటీఆర్ అనుకుంటున్నాడ‌ని మండిప‌డ్డారు.

రాహుల్ గాంధీ కుటుంబం త్యాగాల కుటుంబమ‌ని, స్వేచ్ఛ, స్వాతంత్య్రం కోసం, అనంతరం దేశ ఐక్యత కోసం ప్రాణాలర్పించిన కుటుంబ‌మ‌ని చెప్పారు. రాహుల్ గాంధీ మనసుకి సంబంధించిన విషయంలో ఇలాంటి భాష వాడి గొప్ప‌వాడివి కావ‌ని, గౌర‌వాన్ని పోగొట్టుకుంటున్నావ‌న్నారు. రాహుల్‌ను విమ‌ర్శించ‌డం మానుకోవాల‌ని హిత‌వు ప‌లికారు. రాజ‌కీయాల్లో విమ‌ర్శ‌లు, ప్ర‌తి విమ‌ర్శ‌లు ఉంటాయ‌న్న పొన్నం, ఇలాంటి భాష‌ను ఉప‌యోగించి మీకున్న అస‌హ‌నాన్ని చూపించే ప్ర‌య‌త్నం చేయ‌డం మానాల‌న్నారు. రాహుల్‌ని విమర్శిస్తే ప్రజలే మీకు బుద్ధి చెబుతార‌ని.. ఇప్ప‌టికీ ప్ర‌జ‌లు అనేకసార్లు చెప్పార‌ని హెచ్చ‌రిస్తున్నాన‌న్నారు.