Ponguleti Sriniavs Reddy | బేతుప‌ల్లి చెరువు.. మ‌త్స్య‌కారులు, ఎస్డీఆర్ఎఫ్ సిబ్బంది సుర‌క్షితం

Ponguleti Sriniavs Reddy | త్రినేత్ర న్యూస్ : సత్తుపల్లి మండలం బేతుపల్లి చెరువు వద్ద చిక్కుకున్న మత్స్యకారులను రక్షించేందుకు వెళ్లిన ఎస్‌డీఆర్‌ఎఫ్ బృందం ప్రమాదంలో చిక్కుకున్న సంగ‌తి తెలిసిందే. వ‌ర‌ద‌లో చిక్కుకున్న మ‌త్స్య‌కారులతో పాటు ప‌ది మంది ఎస్‌డీఆర్‌ఎఫ్ సిబ్బందిని సుర‌క్షితంగా కాపాడిన‌ట్లు మంత్రి పొంగులేటి శ్రీనివాస్ రెడ్డి తెలిపారు.

రాత్రి సైతం నిర్విరామ సహాయక చర్యల్లో పాల్గొని గల్లంతైన మత్స్యకారులు, ఎస్‌డీఆర్ఎఫ్ సిబ్బంది ప్రాణాలు కాపాడిన సహాయక బృందాలకు, సమన్వయంతో పనిచేసిన అధికారులు, స్థానిక ప్రజా ప్రతినిధులకు అభినందనలు తెలిపారు. గల్లంతైన మరో సిబ్బంది ఆచూకీ కూడా లభ్యమైన నేపథ్యంలో అతడిని సైతం వీలైనంత త్వరగా సురక్షితంగా ఒడ్డుకు చేర్చాలని అధికారులను ఆదేశించిన‌ట్లు మంత్రి పొంగులేటి శ్రీనివాస్ రెడ్డి పేర్కొన్నారు.