Metro – RTC Pass | రూ. 325కే మెట్రో – ఆర్టీసీ డే పాస్.. మంత్లీ పాస్ రూ. 4 వేలు..!

Metro - RTC Pass | త్రినేత్ర న్యూస్ : హైద‌రాబాద్ న‌గ‌ర ప్ర‌యాణికుల‌కు ప్ర‌భుత్వం దీపావ‌ళికి శుభ‌వార్త వినిపించే అవ‌కాశం ఉంది. మెట్రో - ఆర్టీసీ బ‌స్సుల్లో ప్ర‌యాణించేందుకు ప్ర‌వేశ‌పెట్టిన ఉమ్మ‌డి పాస్ ధ‌ర‌ల‌ను భారీగా త‌గ్గించాల‌ని ప్ర‌భుత్వం నిర్ణ‌యించింది. మెట్రో - ఆర్టీసీ డే పాస్‌ను రూ. 325కు, మంత్లీ పాస్‌ను రూ. 4 వేల నుంచి రూ. 4,500కు త‌గ్గించాల‌ని నిర్ణ‌యించిన‌ట్లు స‌మాచారం.

ఈ క్ర‌మంలో సీఎస్ సంజ‌య్ జాజుతో ఆర్టీసీ ఎండీ, మెట్రో రైలు స‌ల‌హాదారు స‌మావేశ‌మై అధికారికంగా ప్ర‌క‌ట‌న చేసే అవ‌కాశం ఉంది. దీపావ‌ళి నుంచి కొత్త ధ‌ర‌ల‌ను అమ‌లు చేయాల‌ని ప్ర‌భుత్వం భావిస్తున్న‌ట్లు స‌మాచారం.

ఆర్టీసీ - మెట్రో కామ‌న్ పాస్ ధ‌ర‌ను రూ. 8,500గా నిర్ణ‌యించిన సంగ‌తి తెలిసిందే. డే పాస్ ధ‌ర రూ. 400గా నిర్ణ‌యించారు. ఈ ధ‌ర‌ల‌పై ప్ర‌యాణికుల నుంచి తీవ్ర‌మైన వ్య‌తిరేక‌త వ‌చ్చింది. దీంతో ధ‌ర‌లు తగ్గించాల‌ని ప్ర‌యాణికులు ప్ర‌భుత్వానికి విజ్ఞ‌ప్తి చేశారు. ఈ నేపథ్యంలో ధరలు తగ్గించాలంటూ రాష్ట్ర ప్రభుత్వం ఇచ్చిన ఆదేశాలతో ఆర్టీసీ ఎండీ నాగిరెడ్డి మెట్రోరైలు సలహాదారు ఎన్వీఎస్‌రెడ్డితో చర్చించారు. కొత్త ధ‌ర‌ల‌ను ఖ‌రారు చేశారు.