Minister Azharuddin | దేశం గ‌ర్వ‌ప‌డేలా ఎద‌గండి.. ఆరుట్ల విద్యార్థుల‌కు అజారుద్దీన్ సూచ‌న‌

Minister Azharuddin | త్రినేత్ర‌.న్యూస్ : రంగారెడ్డి జిల్లాలోని ఆరుట్ల తెలంగాణ ప‌బ్లిక్ స్కూల్‌ను రాష్ట్ర మంత్రి మ‌హ్మ‌ద్ అజారుద్దీన్( Minister Azharuddin )శ‌నివారం సంద‌ర్శించారు. ఈ సంద‌ర్భంగా విద్యార్థులు అజారుద్దీన్‌కు ఘ‌న‌స్వాగ‌తం ప‌లికారు. స్కూల్‌లోని త‌ర‌గ‌తి గ‌దులు, డైనింగ్ హాల్స్, ల్యాబ్స్‌తో పాటు ఇత‌ర మౌలిక స‌దుపాయాల‌ను మంత్రి ప‌రిశీలించారు. విద్యార్థుల‌తో కాసేపు ఆయ‌న ముచ్చ‌టించారు. స్పోర్ట్స్, ఫిట్‌నెస్‌తో పాటు ఇత‌ర అంశాల‌పై విద్యార్థుల‌కు మంత్రి ప‌లు సూచ‌న‌లు చేశారు.

ఈ సంద‌ర్భంగా మంత్రి అజారుద్దీన్ మాట్లాడుతూ.. ఆరుట్ల టీపీఎస్ అద్భుత‌మ‌ని కొనియాడారు. కార్పొరేట్ స్కూళ్ల‌కు దీటుగా ఏర్పాట్లు ఉన్నాయ‌న్నారు. నాణ్య‌మైన విద్య‌తో పాటు స్పోర్ట్స్‌కు సంబంధించిన వ‌స‌తుల క‌ల్ప‌న బాగుంద‌ని ప్ర‌శంసించారు. దేశంలోనే మోడ‌ల్‌గా తెలంగాణ ప‌బ్లిక్ స్కూల్ నిలుస్తుంద‌న్నారు.

విద్యార్థులు హార్డ్ వ‌ర్క్ చేయండి.. ఇక్క‌డున్న వ‌స‌తుల‌తో ఏదైనా సాధించొచ్చు అని మంత్రి పేర్కొన్నారు. నేను ఇండియా త‌ర‌పున క్రికెట్ ఆడిన‌ప్పుడు.. నా గురువులు ఎంతో సంతోషప‌డ్డారు. గురువుల‌ను, త‌ల్లిదండ్రుల‌ను గౌర‌వించిన‌వాడు ఉన్న‌త‌స్థానంలో ఉంటాడ‌ని చెప్పారు. ప్ర‌తి ఒక్క‌రూ పాజిటివ్‌గా ఉండి, ల‌క్ష్యాల‌ను నిర్దేశించుకోవాల‌ని, వాటిని సాధించేందుకు కృషి చేయాల‌న్నారు. దేశం గ‌ర్వ‌ప‌డేలా ఎద‌గాల‌ని, అందుకు స‌ర్కార్ అన్ని విధాలా అండ‌గా ఉంటుంద‌ని భ‌రోసానిచ్చారు. సీఎం రేవంత్ రెడ్డి విద్యాశాఖ మంత్రిగా విద్యారంగంలో స‌మూల మార్పుల‌కు శ్రీకారం చుట్టార‌ని తెలిపారు. రేవంత్ డ్రీమ్ ప్రాజెక్టులు తెలంగాణ ప‌బ్లిక్ స్కూల్స్ అని మంత్రి అజారుద్దీన్ స్ప‌ష్టం చేశారు.