Medaram Jatara | మేడారం జాతరకు భారీ వైద్య ఏర్పాట్లు: 3 వేల మంది సిబ్బంది, 35 అంబులెన్సులతో పకడ్బందీ ప్లాన్!

మేడారం జాతర భక్తుల కోసం తెలంగాణ ప్రభుత్వం భారీ వైద్య ఏర్పాట్లు చేస్తోంది. 3,199 మంది సిబ్బంది, 72 మెడికల్ క్యాంపులు, 35 అంబులెన్సులతో పకడ్బందీ ప్లాన్‌ను మంత్రి దామోదర్ రాజనర్సింహ సమీక్షించారు.

Jagadeesh

Telangana | Published On Jan 10, 2026, 8.21 pm IST

Medaram Jatara | మేడారం జాతరకు భారీ వైద్య ఏర్పాట్లు: 3 వేల మంది సిబ్బంది, 35 అంబులెన్సులతో పకడ్బందీ ప్లాన్!

సంక్షిప్త సారాంశం

సమ్మక్క-సారలమ్మ జాతరకు వచ్చే భక్తులకు వైద్య సేవలు అందించడానికి 50 పడకల ప్రధాన ఆసుపత్రి, 30 స్థానిక క్యాంపులు, రూట్లలో 42 క్యాంపులను ఏర్పాటు చేశారు. 544 మంది డాక్టర్లతో సహా 3 వేల పైచిలుకు సిబ్బంది 24 గంటల పాటు సేవలందించనున్నారు. అత్యవసర పరిస్థితుల్లో ములుగు, వరంగల్ ఆసుపత్రులను అప్రమత్తం చేశారు.

Medaram Jatara | ఆసియాలోనే అతిపెద్ద గిరిజన జాతర 'మేడారం సమ్మక్క-సారలమ్మ' మహా జాతరకు వచ్చే కోట్లాది మంది భక్తుల ఆరోగ్యంపై తెలంగాణ ప్రభుత్వం ప్రత్యేక దృష్టి సారించింది. భక్తులకు ఎక్కడా వైద్యపరమైన ఇబ్బందులు తలెత్తకుండా 3,199 మంది సిబ్బందితో భారీ నెట్‌వర్క్‌ను సిద్ధం చేసింది. శనివారం ఆరోగ్యశాఖ ఉన్నతాధికారులతో నిర్వహించిన వీడియో కాన్ఫరెన్స్‌లో మంత్రి దామోదర్ రాజనర్సింహ వైద్య ఏర్పాట్లను సమీక్షించి, అధికారులకు కీలక ఆదేశాలు జారీ చేశారు.

కీలక వైద్య ఏర్పాట్లు ఇవే:

ప్రధాన ఆసుపత్రి: మేడారంలోని టీటీడీ కల్యాణ మండపంలో 50 పడకలతో కూడిన 'శ్రీ సమ్మక్క సారలమ్మ వైద్యశాల'ను ఏర్పాటు చేశారు.

మినీ ఆసుపత్రులు: జంపన్న వాగు, ఇంగ్లీష్ మీడియం స్కూల్ వద్ద 6 పడకల సామర్థ్యంతో రెండు మినీ హాస్పిటళ్లు అందుబాటులో ఉంటాయి.

మెడికల్ క్యాంపులు: జాతర పరిసరాల్లో 30 మెడికల్ క్యాంపులు, భక్తులు వచ్చే 8 ప్రధాన రూట్లలో మరో 42 ఎన్‌-రూట్‌ (En-route) క్యాంపులు ఏర్పాటు చేశారు.

అంబులెన్స్ సేవలు: అత్యవసర చికిత్స కోసం 35 అంబులెన్సులను సిద్ధంగా ఉంచారు.

వైద్య సైన్యం సిద్ధం

ఈసారి జాతర కోసం మొత్తం 3,199 మంది వైద్య సిబ్బందిని ప్రభుత్వం మోహరించింది. ఇందులో 72 మంది స్పెషలిస్టులు, 42 మంది మహిళా వైద్యులతో సహా మొత్తం 544 మంది డాక్టర్లు సేవలు అందించనున్నారు. వీరికి తోడుగా 2,150 మంది పారామెడికల్ సిబ్బంది, ఆశా కార్యకర్తలు షిఫ్టుల వారీగా 24 గంటల పాటు అందుబాటులో ఉంటారు.

ప్రధాన రూట్లలో ప్రత్యేక నిఘా

ముఖ్యంగా హనుమకొండ-మేడారం రూట్‌లో 9 క్యాంపులు, ఛత్తీస్‌గఢ్ రూట్‌లో 6, భద్రాచలం రూట్‌లో 5 క్యాంపులను ఏర్పాటు చేశారు. చిన్నపిల్లల మందుల నుంచి పాముకాటు విరుగుడు ఇంజెక్షన్ల వరకు 248 రకాల మందులను ప్రభుత్వం సిద్ధం చేసింది.

"భక్తులు మేడారం బయలుదేరిన దగ్గరి నుంచి దర్శనం ముగించుకుని క్షేమంగా ఇళ్లకు చేరే వరకు వైద్య సేవలు అందాలి" అని మంత్రి అధికారులను ఆదేశించారు. జనవరి 25 నుంచి ఈ క్యాంపులన్నీ పూర్తిస్థాయిలో పని చేస్తాయని అధికారులు వెల్లడించారు.

3 హాస్పిటళ్లు.. 30 మెడికల్ క్యాంపులు
మేడారంలో వైద్య సేవల కోసం ఏర్పాటు
జాతరకు వెళ్లే రూట్లలో మరో 42 క్యాంపులు
35 అంబులెన్సులు.. 3,199 మంది సిబ్బందితో వైద్య సేవలు
ఏర్పాట్లపై అధికారులతో మంత్రి దామోదర్ రాజనర్సింహ సమీక్ష

మేడారం సమ్మక్క-సారలమ్మ జాతరకు వచ్చే కోట్లాది మంది భక్తులకు… pic.twitter.com/Cwgei9WXBp

— Damodar Raja Narasimha (@DamodarCilarapu) January 10, 2026

Find us on