త్రినేత్ర News Logo
DIGITAL-NEWS

Mallu Ravi | రాజ‌గోపాల్, అనిరుధ్‌ల‌ను క‌ట్ట‌డి చేస్తం.. ఈవినింగ్ మీటింగ్ త‌ర్వాత ఏం జ‌రిగింద‌నేది చెప్తా

Mallu Ravi | జడ్చర్ల ఎమ్మెల్యే అనిరుధ్‌ రెడ్డి (Anirudh Reddy), మునుగోడు ఎమ్మెల్యే రాజ‌గోపాల్‌రెడ్డి (Rajagopal Reddy) లక్ష్మణ రేఖను దాటి మాట్లాడినట్లుగా త‌న‌కు ఫిర్యాదులు అందాయ‌ని క్రమశిక్షణ కమిటీ ఛైర్మెన్, ఎంపీ మ‌ల్లు ర‌వి (Mallu Ravi) అన్నారు.

S

Telangana | Published On Nov 22, 2026, 1.49 pm IST

Mallu Ravi | రాజ‌గోపాల్, అనిరుధ్‌ల‌ను క‌ట్ట‌డి చేస్తం.. ఈవినింగ్ మీటింగ్ త‌ర్వాత ఏం జ‌రిగింద‌నేది చెప్తా
Advertisement

Mallu Ravi | త్రినేత్ర న్యూస్‌: జడ్చర్ల ఎమ్మెల్యే అనిరుధ్‌ రెడ్డి (Anirudh Reddy), మునుగోడు ఎమ్మెల్యే రాజ‌గోపాల్‌రెడ్డి (Rajagopal Reddy) లక్ష్మణ రేఖను దాటి మాట్లాడినట్లుగా త‌న‌కు ఫిర్యాదులు అందాయ‌ని క్రమశిక్షణ కమిటీ ఛైర్మెన్, ఎంపీ మ‌ల్లు ర‌వి (Mallu Ravi) అన్నారు. పీసీసీ ప్రెసిడెంట్‌కు ఈ విష‌యాన్ని వివరించాన‌ని.. చెప్పారు. భవిష్యత్తులో కాంగ్రెస్ పార్టీకి నష్టం జరగకుండా ఉండేందుకు కీలక నిర్ణయాలు తీసుకోబోతున్న‌ట్లు వెల్ల‌డించారు. ఈమేర‌కు ఆయ‌న ఆదివారం మీడియాతో మాట్లాడారు.

ఈ మ‌ధ్య కోమ‌టిరెడ్డి రాజ‌గోపాల్‌రెడ్డి, జ‌డ్చ‌ర్ల ఎమ్మెల్యే అనిరుధ్‌రెడ్డిగారు ల‌క్ష్మణ రేఖ‌ను దాటి మాట్లాడిన‌ట్లుగా చాలా కంప్లైంట్స్ నా ద‌గ్గ‌ర‌కొచ్చిన‌య్‌. ఈ విష‌యాన్ని పీసీసీ ప్రెసిడెంట్‌తో మాట్లాడాను. ఆయ‌న ఈ విష‌యాన్ని ఏఐసీసీ దృష్టికి తీసుకెళ్లారు. త‌ర్వాత ఈరోజు పొలిక‌ల్ అఫైర్స్ క‌మిటీ జ‌రుగుతుంది. అందులో మ‌న రాష్ట్రానికి సందీప్ అని ఏఐసీసీ సెక్ర‌ట‌రీ ఇన్‌చార్జిగా వ‌చ్చారు.

ఆయ‌న స్వ‌యంగా వారితో మాట్లాడారు. మీటింగులో కూడా మాట్లాడి భవిష్య‌త్‌లో పార్టీకి నష్టం జ‌రిగేలా ఎవ‌రు మాట్లాడ‌కుండా చూడ‌టానికి నిర్ణ‌యాలు జ‌ర‌గ‌బోతున్న‌య్‌. సాయంత్రం కూడా మీటింగ్ ఉంది. అందులో కూడా నేన్ పోయి మాట్లాడ‌తాను. రాజ‌గోపాల్‌రెడ్డి, అనిరుధ్‌రెడ్డి గీత దాటి మాట్లాడారు. ఆల్రెడి మ‌న పీసీసీగారు రిపోర్ట్ పంపించారు. ఈ చ‌ర్చ జ‌రిగిన త‌ర్వాత ఏమైందో మ‌ళ్లీ మాట్లాడుతాను అని మ‌ల్లు ర‌వి తెలిపారు.

Advertisement
Advertisement