Himanshu Rao | హిమాన్షు రావుకు స‌ర్జ‌రీ.. గ‌చ్చిబౌలి ఏఐజీకి కేసీఆర్

Himanshu Rao | త్రినేత్ర‌.న్యూస్ : బీఆర్ఎస్ వ‌ర్కింగ్ ప్రెసిడెంట్ కేటీఆర్ కుమారుడు హిమాన్షురావుకు జూలై 6న జిమ్‌లో వ‌ర్క‌వుట్స్ చేస్తుండ‌గా ఆయ‌న‌కు గాయ‌మైన సంగ‌తి తెలిసిందే. దాంతో గ‌చ్చిబౌలిలోని ఏఐజీ ఆస్ప‌త్రికి త‌ర‌లించి చికిత్స అందించారు. త‌ద‌నంత‌రం జూలై 9న హిమాన్షును డిశ్చార్జి చేశారు. అయితే ముక్కుకు స‌ర్జ‌రీ చేయాల్సి ఉండ‌డంతో మ‌ళ్లీ ఆయ‌న ఆస్ప‌త్రిలో అడ్మిట్ అయ్యారు. ఈ క్ర‌మంలో మ‌నువడు హిమాన్షును ప‌రామ‌ర్శించేందుకు బీఆర్ఎస్ అధినేత కేసీఆర్ గ‌చ్చిబౌలి ఏఐజీ ఆస్ప‌త్రికి వెళ్ల‌నున్నారు.

ఈ మేర‌కు హిమాన్షు రావు ఒక సందేశం విడుద‌ల చేశారు. జూలై 6న ఏర్ప‌డిన గాయం కార‌ణంగా ఇవాళ నాకు స‌ర్జ‌రీ జ‌ర‌గ‌నుంది. శ‌స్త్ర చికిత్స నేప‌థ్యంలో ఆస్ప‌త్రిలోనే రెండు రోజులు ఉండాల్సి వ‌స్తుంది. స‌ర్జ‌రీ విజ‌య‌వంత‌మై త్వ‌ర‌గా కోలుకుంటున్నాన‌ని న‌మ్ముతున్నాను. ఆరోగ్యంగా తిరిగి రావాల‌ని ఆశిస్తున్నాను. మీ మ‌ద్ద‌తుకు, ఆశీస్సుల‌కు అంద‌రికీ ధ‌న్య‌వాదాలు తెలుపుతున్నాను అని పేర్కొన్నారు.