Revanth Reddy | రేవంత్ ఒక అర్భకుడు, అంగుష్టమాత్రుడు, నికృష్టుడు

స్వర్గీయ ఎన్టీఆర్ మాటలను గుర్తు చేసిన కేటీఆర్ ఉరితీయాలంటే ముందు రాహుల్ గాంధీని ఉరితీయాలి 420 హామీలిచ్చి అమలు చేయని కాంగ్రెస్ పార్టీని 420 సార్లు ఉరితీయాలి రుణమాఫీ చేస్తా అని మాట తప్పినందుకు వరంగల్లో రాహుల్ గాంధీని ఉరితీయాలి సర్వభ్రష్ట ప్రభుత్వానికి అధినేత రేవంత్ రెడ్డి 65 ఏళ్లు కాంగ్రెస్, 17 ఏళ్లు నీ పాత బాసే పాలించాడు కాంగ్రెస్, టీడీపీ రెండూ దొందు దొందే మీ తాత జేజమ్మల దిమ్మ తిరగాలి తెలంగాణ బిడ్డల మీదికి తుపాకీ తీసుకొని పోయినవు Revanth Reddy | నదీ జలాల మీద కాంగ్రెస్ పార్టీ దశాబ్దాలుగా తెలంగాణకు చేస్తున్న ద్రోహాలపై మాజీ మంత్రి కేటీఆర్ విమర్శల వర్షం కురిపించారు. అలాగే.. అసెంబ్లీ సాక్షిగా మాజీ సీఎం కేసీఆర్పై, సీఎం రేవంత్ రెడ్డి చేసిన విమర్శలపై కేటీఆర్ కౌంటర్ ఇచ్చారు. శాసనసభలో కొనసాగుతున్న పద్ధతి, వాళ్లు మాట్లాడుతున్న విధానం.. వినాశకాలే విపరీత బుద్దిలా ఉందన్నారు. ప్రాణాలు పణంగా పెట్టి తెలంగాణకు ఊపిరి పోసిన నాయకుడు కేసీఆర్ అని, చావు నోట్లో తల పెట్టి తెలంగాణ తెచ్చిన త్యాగధనుడు కేసీఆర్ అని కేటీఆర్ తెలిపారు. కరవు కోరల్లో సిరులు పండించి.. మరణ మృదంగాలు మోగిన చోట జీవ కళ తెచ్చిన మానవీయ పరిపాలకుడు కేసీఆర్ అని కొనియాడారు. అవమానాలు సహించి, తిట్లను, శాపాలను భరించి ఆత్మగౌరవ పోరాటాన్ని గెలిపించి ఆకలి బాధలను మాయం చేసి తెలంగాణను అన్నపూర్ణగా భారతదేశంలో నిలిపిన నాయకుడు కేసీఆర్. ఇవాళ కేసీఆర్ గురించి వినాశకాలే విపరీత బుద్ధి అన్నట్లుగా రెచ్చిపోయి వాగుతున్నడు ఒక అహంకారి. అధికార మధంతో మిడిసిపడుతూ బలుపు మాటలతో విర్రవీగుతున్నాడు. పదే పదే చావును కోరుతూ ఒక రాబందు మాదిరిగా రైతు బంధువు కేసీఆర్ గురించి అనరాని మాటలు అంటున్నడు రేవంత్ రెడ్డి. ఉరి తీయాలని మాట్లాడుతున్నడు. కేసీఆర్ని, హరీశ్ రావుని ఉరితీయాలి అంటున్నడు. మరి కాంగ్రెస్ పార్టీని ఎన్ని సార్లు ఉరితీయాలి. తెలంగాణ వాదుల గుండెలు రగులుతున్నాయి.. అని కేటీఆర్ ఆవేదన వ్యక్తం చేశారు. అల్పుడు, అర్భకుడి చేతుల్లో రగులుతున్న తెలంగాణ ప్రస్తుతం తెలంగాణ ఒక అల్పుడి చేతుల్లో, అర్భకుడి చేతుల్లో రగిలిపోతుందన్నారు. అనే వాళ్లకు ఒక స్థాయి ఉంటే మనం బాధపడాలి. స్వర్గీయ ఎన్టీఆర్ ఒక మాట చెప్పారు. అంగుష్టమాత్రులు, కుక్క మూతి పిందెలు కాంగ్రెస్ నాయకులు అని అన్నారు. నిజంగా ఇవాళ అంగుష్ట మాత్రులు అనే మాటకు అర్హుడు అంటే రేవంత్ రెడ్డిని మించినవాడు ఎవ్వరూ లేరు. కుక్క మూతి పిందెలు అని కాంగ్రెస్ నాయకులను అనేవారు. ఖచ్చితంగా వారికి తగిన మాట అది అని గుర్తు చేశారు. నదీ జలాలు అని చెప్పి నిన్న చర్చ పెట్టారు. ముఖ్యమంత్రికి బేసిన్లు తెలియదు. బేసిక్స్ అంతకంటే తెలియదు. దేవాదుల ఏ బేసిన్ లో ఉంది అని అడిగే వ్యక్తి ఇరిగేషన్ మీద మాట్లాడుతా అంటడు. ఆయన ముఖ్యమంత్రి అయిన తర్వాత వట్టెం పంపు హౌస్ మునిగినా ఇంతవరకు దాని మీద సమీక్ష చేయలేని అసమర్థుడు. ఎస్ఎల్బీసీ టన్నెల్ తన అవినీతి వల్ల కుప్పకూలితే ఎనిమిది మంది అందులో సజీవంగా జలసమాధి అయితే ఇంతవరకు వాళ్ల శవాలను కూడా బయటికి తీయలేని ఒక అసమర్థ పరిపాలకుడు రేవంత్ రెడ్డి. సుంకిశాల రిటెయినింగ్ వాల్ పేకమేడలా కుప్పకూలితే ఏ సంస్థ నిర్మాణం చేస్తున్నదో ఆ సంస్థను బ్లాక్ లిస్టు చేయాలి అని నీ డిపార్ట్ మెంట్ సిఫారసు చేసినా దాన్ని అమలు చేయలేని అర్బకుడు రేవంత్ రెడ్డి. పేల్చివేతలు, కూల్చివేతలు, ఎగవేతలు ఆయన పాలన గురించి ఒక్క మాటలో చెప్పాలంటే ఏమున్నది ఈ రెండేళ్లలో. పేల్చివేతలు, కూల్చివేతలు, ఎగవేతలు. మనం ఎన్నో చూశాం చరిత్రలో. కానీ ఇంత చెత్త ప్రభుత్వాన్ని ఎక్కడా చూడలేదు. చెక్ డ్యామ్ లను పేల్చేసే చెత్త ప్రభుత్వం భారతదేశంలోనే కాదు.. ప్రపంచంలోనే లేదు. మేడిగడ్డను ఎలాగైతే బాంబులతో పేల్చారో.. చెక్ డ్యామ్ లను పటాకులు పేల్చినట్లు పేల్చుతున్నారు కాంగ్రెస్ నాయకత్వం. కూల్చివేతలు చేస్తున్నారు. పేదల ఇండ్లు కూల్చుతున్నారు తప్పితే ఒక్క ఇల్లు కట్టిన మొహం లేదు మీకు. ఎగవేతల గురించి అయితే మిమ్మల్ని ఎన్నిసార్లు ఉరి తీయాలో తెలియదు. మీ రాహుల్ గాంధీని అశోక్ నగర్ నడి చౌరస్తాలో రెండు లక్షల ఉద్యోగాలు అని చెప్పి మాట తప్పినందుకు ఉరి తీయాలి. రైతులకు రుణమాఫీ చేస్తా అని చెప్పి మాట తప్పినందుకు వరంగల్లో రాహుల్ గాంధీని ఉరి తీయాలి. బీసీలకు 42 శాతం రిజర్వేషన్ అని చెప్పి మాట తప్పినందుకు మీ నాయకత్వాన్ని, రాహుల్ గాంధీని, రేవంత్ రెడ్డిని కామారెడ్డిలో ఉరితీయాలి. 420 హామీలను ఎగ్గొట్టినందుకు మిమ్మల్ని 420 సార్లు ఉరితీయాలి. కేసీఆర్ ను పట్టుకొని నోటికొచ్చినట్లు మాట్లాడుతూ పనికిమాలిన చెత్త వాగుడు మాట్లాడుతారా? అంటూ కేటీఆర్ ఆగ్రహం వ్యక్తం చేశారు. అన్ని రంగాల్లో అట్టర్ ఫ్లాప్ ముఖ్యమంత్రి ఒక అర్భకుడు, అంగుష్టమాత్రులు, ఒక నిక్రుషుడు, సర్వభ్రష్ట ప్రభుత్వానికి అధినేత. అన్ని రంగాల్లో అట్టర్ ప్లాఫ్ ప్రభుత్వం. అందరి హక్కులకు కస్టోడియన్ లా ఉండాల్సిన స్పీకర్.. అసెంబ్లీలో మాట్లాడకూడని మాట మాట్లాడితే స్పీకర్ ఏం అనకపోవడం ఏంటి? ఇది పార్లమెంటరీ భాషనా? ప్రజాస్వామిక భాషనా? మాకు అనరాదా ఈ మాటలు. రేవంత్ రెడ్డికి చెబుతున్నా? నీకు ఒక్క భాషలో వచ్చేమో తిట్లు. మాకు మూడు నాలుగు భాషల్లో వచ్చు తిట్లు. తిట్టాలనుకుంటే మీ తాత జేజమ్మలు దిమ్మతిరిగేలా తిట్టే శక్తి మాకుంది కానీ.. ఇంత నికృష్టంగా, ఇంత అల్పంగా, దారుణంగా ఎందుకు చేస్తున్నారో మాకు తెలుసు. మీ అజ్ఞానాన్ని కప్పి పుచ్చుకోవడానికి. నీకు ఐఐటీకి, ఐఐఐటీకి అంతరం తెలియదు. బచావత్కి, బ్రజేష్ కుమార్ ట్రెబ్యునల్ కి తేడా తెలియదు. కృష్ణా, గోదావరి బేసిన్లు తెలియదు. తెలంగాణకు ఏం కావాలో నీకు తెలియదు. నీకు తెలిసింది ఒక్కటే దోచుకోవడం, దాచుకోవడం తప్పితే నీకు తెలిసింది ఏం లేదు. ఒక అజ్ఞానివి. ఒక ఉష్ట్ర పక్షివి నువ్వు. తెలంగాణ కోసం ఈ మహానుభావుడు ప్రాణాలు ఇస్తాడట. నువ్వు తీసిన ప్రాణాలు చాలు. ఇప్పటికే 836 మంది రైతులను రేవంత్ రెడ్డి వచ్చిన తర్వాత పొట్టనపెట్టుకున్నాడు. 100 మంది పైచిలుకు ఆటో డ్రైవర్లను పొట్టన పెట్టుకున్నాడు. 100 మంది పైచిలుకు గురుకులాల్లో పిల్లలను పొట్టన పెట్టుకున్నాడు. 48 మంది నేతన్నల ఉసురు పోసుకున్నాడు. నువ్వు తీసిన ప్రాణాలు చాలు. నువ్వు ఆనాడు తెలంగాణ వాదుల మీదికి, తెలంగాణ బిడ్డల మీదికి తుపాకీ తీసుకొని పోయి తెలంగాణ ఉద్యమాన్ని అవమానించి ఎవరో మరిచిపోలేదు. ఇవాళ పేమెంట్ కోటాలో అదృష్టం బాగుండి అడ్డిమారి గుడ్డిదెబ్బలో ముఖ్యమంత్రి అయ్యావు. నీ వాగుడు, నీ అల్పబుద్ధి ప్రపంచం మొత్తం చూస్తున్నది. ఒకటి మాత్రం వాస్తవం. నీ లాంటి వ్యక్తుల వికృతమైన మాటలతో కేసీఆర్ స్థాయిని తగ్గించలేరు. నదీ జలాల్లో తెలంగాణకు అన్యాయం జరిగింది. అప్పుడెప్పుడో తెలంగాణను నిజాం బాగు చేసి పోతే తర్వాత వచ్చిన వాళ్లు నాశనం చేశారన్నావు కదా. తర్వాత వచ్చిందెవరు.. 65 ఏళ్లు కాంగ్రెస్, 17 ఏళ్లు నీ పాత బాసు చంద్రబాబు నాయకత్వంలో నడిచిన టీడీపీ ప్రభుత్వమే కదా. కాంగ్రెస్, టీడీపీ దొందు దొందే అన్నట్లు ఈ రాష్ట్రాన్ని 2014 దాకా నిరాటంకంగా పాలించింది. మీరు ఏ నిందారోపణలు అయితే చేశారో.. దాని బాధ్యత, దాని ద్రోహం ఏదైతే జరిగిందో దాని పరిపూర్ణమైన బాధ్యత కాంగ్రెస్ వహించాలి అని చెబుతూ ఈరోజు వాస్తవాలు చెప్పడానికి, నీళ్లలో తెలంగాణకు జరిగిన ద్రోహాన్ని కేసీఆర్ ఏవిదంగా సరిదిద్దేందుకు ప్రయత్నించారో హరీశ్ రావు వివరించారని కేటీఆర్ తెలిపారు.

Revanth Reddy | రేవంత్ ఒక అర్భకుడు, అంగుష్టమాత్రుడు, నికృష్టుడు

FOLLOW US

ట్యాగ్స్:

సంబంధిత వార్తలు

Jagga Reddy | నువ్వు మంత్రి అయ్యాకే తెలంగాణ వాళ్లు నీళ్లు తాగుతున్నారా: హ‌రీశ్‌పై నిప్పులు చెరిగిన జ‌గ్గారెడ్డి

Mahesh Kumar Goud | భస్మాసురుడికి కజిన్ బ్రదర్ కేటీఆర్.. టీపీసీసీ అధ్య‌క్షుడు మహేష్ కుమార్ గౌడ్ కౌంటర్

Jeevan Reddy | మ‌రోసారి జ‌గిత్యాల ఎమ్మెల్యే సంజ‌య్‌పై జీవ‌న్‌రెడ్డి ఫైర్‌

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Telangana | నేడు న‌ల్ల‌మ‌ల సాగ‌ర్‌పై సుప్రీంకోర్టులో విచారణ‌.. ఢిల్లీలోనే రేవంత్ మ‌కాం..!

CP VC Sajjanar | సంక్రాంతికి ఊరెళ్తున్నారా..? ఇల్లు జాగ్ర‌త్త‌.. సీపీ వీసీ స‌జ్జ‌నార్ సూచ‌న‌లు..

Motorola Edge 60 Pro | రూ.14వేలు త‌గ్గిన మోటోరోలా ఎడ్జ్‌60 ప్రొ స్మార్ట్ ఫోన్‌.. ఎందులో కొనాలంటే..?

POPULAR LINKS

Horoscope | జ‌న‌వ‌రి 5 రాశి ఫ‌లాలు.. ఈ రాశివారికి స‌హొద్యోగుల‌తో ఇబ్బందులు..!

Lentils | ప‌ప్పు తిన్నాక గ్యాస్ ట్ర‌బుల్‌కు కార‌ణం ఇదే.. ఇలా చేస్తే స‌మ‌స్య ఉండ‌దు..