KRMB | మ‌హారాష్ట్ర‌కు సీఎం రేవంత్.. 26న జ‌ర‌గాల్సిన కేఆర్ఎంబీ స‌మావేశం వాయిదా

KRMB | త్రినేత్ర న్యూస్ : ఈ నెల 26న జ‌ర‌గాల్సిన కృష్ణా రివ‌ర్ మేనేజ్‌మెంట్ బోర్డు( KRMB ) స‌మావేశం వాయిదా ప‌డింది. తెలంగాణ‌( Telangana ), ఏపీ రాష్ట్రాల మ‌ధ్య కృష్ణా జ‌లాల్లో వాటా, ఇత‌ర అంశాల‌పై చ‌ర్చించేందుకు 26న కేఆర్ఎంబీ 21వ స‌మావేశం నిర్వ‌హించాల‌ని నిర్ణ‌యించారు. అయితే అదే రోజు సీఎం రేవంత్ రెడ్డి( CM Revanth Reddy ) తుమ్మిడిహెట్టి బ్యారేజీ ఎత్తుపై చ‌ర్చించేందుకు మ‌హారాష్ట్ర ప‌ర్య‌ట‌న‌కు వెళ్తున్నారు. దీంతో సీఎం వెంట తాము కూడా వెళ్లాల్సి ఉంటుందని, కేఆర్ఎంబీ బోర్డు స‌మావేశానికి హాజ‌రు కావ‌డం వీలుకాద‌ని తెలంగాణ ఇంజినీర్ ఇన్ చీఫ్ తెలిపారు. ఈ మేరకు ఆయన కేఆర్ఎంబీకి లేఖ రాశారు. సోమవారం తలపెట్టిన సమావేశం వాయిదా వేయాలని కోరారు. తెలంగాణ విజ్ఞప్తి మేరకు సమావేశాన్ని వాయిదా వేసిన కృష్ణా నదీ యాజమాన్య బోర్డు... తదుపరి సమావేశం మంగళవారం నిర్వహించనున్నట్లు తెలిపింది. ఈ మేరకు రెండు రాష్ట్రాలకు సమాచారం అందించింది.