Kavitha | నూత‌న రాజ‌కీయ పార్టీ ఏర్పాటును నిర్ధారించిన క‌విత‌

Kavitha | యువ‌త కోసం నూత‌న రాజ‌కీయ వేదిక‌ను ఏర్పాటు చేయ‌నున్న‌ట్లు ఎమ్మెల్సీ (MLC) క‌విత (Kavitha) ప్ర‌క‌టించింది. తెలంగాణ జాగృతి (Telangana Jagruthi) ని నూత‌న రాజ‌కీయ పార్టీగా మారుస్తాన‌ని తెలిపారు. కేసీఆర్ కూతురు, ఎమ్మెల్సీ (MLC) క‌విత (Kavitha) సంచ‌ల‌న ప్ర‌క‌ట‌న చేశారు. ఇప్ప‌టికే శాస‌న‌మండ‌లి వేదిక‌గా ప‌లు ఆరోప‌ణ‌లు గుప్పించిన ఆమె స‌భ నుంచి బ‌య‌ట‌కు వ‌చ్చిన అనంత‌రం విలేక‌రులతో మాట్లాడుతూ రానున్న ఎన్నిక‌ల్లో పోటీచేస్తామ‌ని, త‌ప్ప‌నిస‌రిగా గొప్ప రాజ‌కీయ శ‌క్తిగా ఎదుగుతాన‌ని ఆశాభావం వ్య‌క్తం చేశారు. స‌భ నుంచి ఒక వ్య‌క్తిగా నిష్క్ర‌మిస్తున్న‌ప్ప‌టికీ, ఒక రాజ‌కీయ శ‌క్తిగా తిరిగి వ‌స్తాన‌ని స్ప‌ష్టం చేశారు. అన్ని బంధ‌నాలు తెంచుకుని వ‌స్తున్నాన‌ని, రాష్ట్ర ప్ర‌జ‌లు త‌న‌ను ఆశీర్వ‌దించాల‌ని కోరారు. ప్ర‌తీ ఆడ‌బిడ్డ త‌న‌కు మ‌ద్ద‌తివ్వాల‌ని విజ్ఞ‌ప్తి చేశారు.