Kalvakunta Kavitha | కల్వకుంట్ల కవిత రాజీనామా ఆమోదం

Kalvakunta Kavitha | ఎట్టకేలకు తెలంగాణ జాగృతి అధ్యక్షురాలు కల్వకుంట కవిత రాజీనామాకు ఆమోదం లభించింది. నిజామాబాద్ స్థానిక సంస్థల శాసన మండలి సభ్యత్వానికి కల్వకుంట్ల కవిత చేసిన రాజీనామాను శాసన మండలి చైర్మన్ గుత్తా సుఖేందర్ రెడ్డి ఆమోదించారు. రాజీనామా ఆమోదంపై లెజిస్లేటివ్ సెక్రటరీ నోటిఫికేషన్ జారీ చేశారు.

2021లో నిజామాబాద్ స్థానిక సంస్థల స్థానం నుంచి శాసన మండలి సభ్యులుగా కల్వకుంట్ల కవిత ఎన్నికయ్యారు. బీఆర్ఎస్ పార్టీకి, ఎమ్మెల్సీ పదవికి సెప్టెంబర్ 3న రాజీనామా చేసిన కల్వకుంట్ల కవిత.. సోమవారం కౌన్సిల్ లో ప్రసంగించి తన రాజీనామాను ఆమోదించాలని విజ్ఞప్తి చేసిన విషయం తెలిసిందే. కౌన్సిల్‌లో ప్రసంగిస్తూ కవిత కంటతడి పెట్టారు. ఇదే మండలికి రావడం ఆఖరి అని ఇక రాను, తన రాజీనామాను ఆమోదించాలంటూ కవిత మండలిలో విజ్ఞప్తి చేస్తూ భావోద్వేగానికి గురయ్యారు. ఈనేపథ్యంలో మండలి చైర్మన్ గుత్తా సుఖేందర్ రెడ్డి మంగళవారం ఆమె రాజీనామాకు ఆమోద ముద్ర వేశారు.