Indigo Flight | మిడ్ ఎయిర్‌లో ఏసీ బంద్‌.. ఇండిగో విమానంలో ప్ర‌యాణికులు ఉక్కిరిబిక్కిరి

Indigo Flight | త్రినేత్ర‌.న్యూస్‌: విమానాల్లో (Indigo Flight) సాంకేతిక స‌మ‌స్య‌లు ప్ర‌యాణికుల‌ను తీవ్ర ఇబ్బందుల‌కు గురిచేస్తున్నాయి. ఏసీ ప‌నిచేయ‌క (AC Fails) పోవ‌డంతో ఉక్క‌పోత‌తో ఉక్కిరిబిక్కిరి అయ్యారు. చేసేదేమీ లేక చేతుల‌కు ప‌నిచెప్పారు. క‌నీస సౌక‌ర్యాలు క‌ల్పించ‌క‌పోవ‌డంతో విమాన‌యాన సంస్థ‌పై ఆగ్ర‌హం వ్య‌క్తం చేశారు.

ఇండిగో విమానం 6E 6684 హైద‌రాబాద్ నుంచి కొచ్చి వెళ్తున్న‌ది. మార్గ మ‌ధ్య‌లో విమానంలో ఏసీ విఫ‌ల‌మైంది. దీంతో ప్ర‌యాణికులు ఊపిరి పీల్చుకోవడానికీ ఇబ్బంది పడ్డారు. గాలి ఆడ‌క‌పోవ‌డంతో వారంతా అల్లాడిపోయారు. చాలామంది చెమ‌ట‌తో త‌డిపోయారు. చేసేదేమీ లేక పేప‌ర్లు, మ్యాగ‌జైన్లు, చేతుల‌తో గాలి ఊపుకున్నారు. ఇక విమానంలో చిన్న‌పిల్ల‌ల సంగ‌తి ప్ర‌త్యేకంగా చెప్పాల్సిన ప‌నిలేదు. కనీస సౌకర్యాలు కల్పించనందుకు ఆగ్రహించిన ప్రయాణికులు విమానయాన సంస్థపై తీవ్ర అసంతృప్తి వ్యక్తం చేశారు. ప్ర‌స్తుతం ఈ వీడియో సోష‌ల్ మీడియాలో తెగ షేర్ అవుతున్న‌ది.

ఇండిగో విమానంలో ఏసీ బంద్..గాలి అందక ఉక్కిరిబిక్కిరైన ప్రయాణికులు

గాలి కోసం పేపర్లతో విసురుకుంటూ తీవ్ర ఇబ్బందులు

హైదరాబాద్ నుంచి కొచ్చి వెళ్లాల్సిన ఇండిగో (6E 6684) విమానంలో ఘటన

కనీస సౌకర్యాలు లేకపోవడంతో విమానయాన సంస్థపై ప్రయాణికులు తీవ్ర ఆగ్రహం

Indigo Passengers Suffer as AC… pic.twitter.com/QnKVfGla6z

— BIG TV Breaking News (@bigtvtelugu) April 18, 2026