Ram Jethmalani | కరీంనగర్లో న్యాయ దిగ్గజం రామ్ జెఠ్మలానీ విగ్రహావిష్కరణ
Ram Jethmalani | భారత న్యాయ రంగంలో తన అసాధారణ ప్రతిభ, న్యాయపరిజ్ఞానం, వాదనా పటిమతో విశిష్ట స్థానాన్ని సంపాదించుకున్న ప్రముఖ సీనియర్ న్యాయవాది, మాజీ కేంద్ర మంత్రి, భారత బార్ కౌన్సిల్ మాజీ చైర్మన్ దివంగత రామ్ జెఠ్మలానీకి కరీంనగర్లో ఘన నివాళి అర్పించారు.
Ram Jethmalani | త్రినేత్ర న్యూస్ : భారత న్యాయ రంగంలో తన అసాధారణ ప్రతిభ, న్యాయపరిజ్ఞానం, వాదనా పటిమతో విశిష్ట స్థానాన్ని సంపాదించుకున్న ప్రముఖ సీనియర్ న్యాయవాది, మాజీ కేంద్ర మంత్రి, భారత బార్ కౌన్సిల్ మాజీ చైర్మన్ దివంగత రామ్ జెఠ్మలానీకి కరీంనగర్లో ఘన నివాళి అర్పించారు. ఆయన న్యాయరంగానికి అందించిన అమూల్యమైన సేవలకు గుర్తుగా కరీంనగర్లోని జస్టిస్ కుమారయ్య కాలేజ్ ఆఫ్ లా ప్రాంగణంలో ఏర్పాటు చేసిన విగ్రహాన్ని శనివారం ఉదయం 10.30 గంటలకు భారత సుప్రీంకోర్టు ప్రధాన న్యాయమూర్తి జస్టిస్ సూర్యకాంత్ వర్చువల్ విధానంలో ఆవిష్కరించారు.
ఈ కార్యక్రమంలో సుప్రీంకోర్టు న్యాయమూర్తి జస్టిస్ పి.ఎస్. నరసింహ, తెలంగాణ హైకోర్టు ప్రధాన న్యాయమూర్తి జస్టిస్ పుల్లిచెర్ల సామ్ కోషి, హైకోర్టు న్యాయమూర్తి జస్టిస్ ఈ.వి. వేణుగోపాల్ పాల్గొన్నారు. రామ్ జెఠ్మలానీ కుమారుడు, రాజ్యసభ సభ్యుడు, సుప్రీంకోర్టు సీనియర్ న్యాయవాది మహేశ్ జెఠ్మలానీ, ప్రముఖ సీనియర్ జర్నలిస్టు స్వామినాథన్ గురుమూర్తి తదితర ప్రముఖుల హాజరుతో కార్యక్రమం విశిష్టతను సంతరించుకుంది. సుప్రీంకోర్టు, తెలంగాణ హైకోర్టుకు చెందిన ఉన్నత న్యాయమూర్తులు ఒకే వేదికపై భాగస్వాములు కావడం ఈ వేడుకకు ప్రత్యేక ప్రాధాన్యతను తీసుకువచ్చింది.
న్యాయవాద వృత్తిలో అసాధారణ ప్రతిభ కనబరిచిన రామ్ జెఠ్మలానీ తన సుదీర్ఘ ప్రస్థానంలో దేశవ్యాప్తంగా అనేక సంచలనాత్మక, కీలక న్యాయపరమైన కేసుల్లో వాదనలు వినిపించారు. న్యాయవాదిగా మాత్రమే కాకుండా ప్రజాప్రతినిధిగా, కేంద్ర మంత్రిగా, భారత బార్ కౌన్సిల్ చైర్మన్గా వివిధ బాధ్యతలు నిర్వహిస్తూ దేశానికి విశేష సేవలందించారు. న్యాయం పట్ల ఆయనకున్న నిబద్ధత, నిర్భయమైన వైఖరి, రాజ్యాంగ విలువల పట్ల గౌరవం, న్యాయవాద వృత్తిలో చూపిన అంకితభావం భారత న్యాయరంగ చరిత్రలో ప్రత్యేక గుర్తింపును పొందాయి. అటువంటి న్యాయరంగ మహనీయుడి విగ్రహాన్ని న్యాయ కళాశాల ప్రాంగణంలో ఏర్పాటు చేసి, భారత సుప్రీంకోర్టు ప్రధాన న్యాయమూర్తి చేతుల మీదుగా వర్చువల్గా ఆవిష్కరించడం కరీంనగర్ న్యాయ విద్యారంగానికి గర్వకారణం.
ఈ కార్యక్రమంలో జస్టిస్ కుమారయ్య కాలేజ్ ఆఫ్ లా కరస్పాండెంట్ డాక్టర్ కె. జలజ, కరీంనగర్ బార్ అసోసియేషన్ అధ్యక్షుడు గడ్డం లక్ష్మణ్, బార్ అసోసియేషన్ ప్రతినిధులు, సీనియర్ న్యాయవాదులు, న్యాయ విద్యార్థులు, కళాశాల సిబ్బంది పాల్గొన్నారు. వర్చువల్ ఆవిష్కరణ అనంతరం కాలేజ్ కరస్పాండెంట్ డాక్టర్ కె. జలజ తో కలిసి కరీంనగర్ బార్ అసోసియేషన్ అధ్యక్షుడు గడ్డం లక్ష్మణ్, బార్ అసోసియేషన్ ప్రతినిధులు, సీనియర్ న్యాయవాదులు పూరెల్ల రాములు, సుంకే దేవకిషన్, బెజ్జంకి శ్రీకాంత్, పి. అనురాధ, గౌరు రాజిరెడ్డి, పెరుక రంగయ్య, భూక్య రజనీష్, ఏ.కిరణ్ కుమార్, అధ్యాపకులు, సిబ్బంది, న్యాయ విద్యార్థులు పాల్గొని విగ్రహానికి పుష్పాలు సమర్పించి, ఆయన న్యాయ సేవలను స్మరించుకొని నివాళులు అర్పించారు.
సంబంధిత వార్తలు

ACB Trap | వితంతు పింఛన్ మంజూరుకు రూ.10 వేలు లంచం డిమాండ్.. ఏసీబీకి చిక్కిన పంచాయతీ కార్యదర్శి
నవంబర్ 21, 2026

Supreme Court | డిఫాల్టర్ రైస్ మిల్లర్లకు సుప్రీంకోర్టులో ఎదురుదెబ్బ.. ఎస్ఎల్పీలను కొట్టివేసిన కోర్టు..
నవంబర్ 20, 2026

Supreme Court | ఆ విషయం తేల్చకుండా.. ఇళ్ల కొనుగోలుదారులపై బలవంతపు రికవరీలు వద్దు
నవంబర్ 20, 2026
తాజావార్తలు
- ●Delimitation Bill | వికసిత్ భారత్ లక్ష్యం నెరవేరే వరకూ.. డీలిమిటేషన్ ప్రక్రియను వాయిదా వేయాలి : కాంగ్రెస్
- ●US Green Card for H1B children | H-1B ఉద్యోగుల పిల్లలకు అమెరికా గ్రీన్ కార్డ్! 21 ఏళ్ల గండం గట్టెక్కించే కొత్త బిల్లు.. అర్హతలివే!
- ●Manchirevula | మంచిరేవుల దగ్గర ‘ఘర్ ఎ ముబారక్’ గుట్టల్లో ఎరుపు రంగు రాతలు
- ●Chamala Kirankumar Reddy | హరీశ్రావు, కేటీఆర్ డబ్బింగ్ చెప్తే కిషన్ రెడ్డి మాట్లాడ్తడు
- ●Indian Railways | రైలు సీట్లు, బెర్తులు ఎక్కువగా బ్లూ కలర్లోనే ఎందుకుంటయ్..? దీని వెనుక ఆసక్తికర కారణాలివే!
- ●PM Modi | ఆలోచనల్లోని హద్దులను చెరిపేస్తేనే దేశం అసలైన సామర్థ్యాన్ని గుర్తిస్తుంది : ప్రధాని మోదీ

Delimitation Bill | వికసిత్ భారత్ లక్ష్యం నెరవేరే వరకూ.. డీలిమిటేషన్ ప్రక్రియను వాయిదా వేయాలి : కాంగ్రెస్

US Green Card for H1B children | H-1B ఉద్యోగుల పిల్లలకు అమెరికా గ్రీన్ కార్డ్! 21 ఏళ్ల గండం గట్టెక్కించే కొత్త బిల్లు.. అర్హతలివే!

Manchirevula | మంచిరేవుల దగ్గర ‘ఘర్ ఎ ముబారక్’ గుట్టల్లో ఎరుపు రంగు రాతలు

Chamala Kirankumar Reddy | హరీశ్రావు, కేటీఆర్ డబ్బింగ్ చెప్తే కిషన్ రెడ్డి మాట్లాడ్తడు



