Harish Rao | కొండు ప్రతాప్ రావు రచించిన `ఆమె వెత‌లు` పుస్త‌కాన్ని ఆవిష్క‌రించిన హ‌రీశ్ రావు

Harish Rao | త్రినేత్ర న్యూస్‌: సీనియర్ జర్నలిస్ట్, రచయిత కొండు ప్రతాప్ రావు (Kondu Pratap Rao) రచించిన 'ఆమె వెతలు` (Ame Vethalu) పుస్తకాన్నిబీఆర్‌ఎస్ ఎల్పీ ఉప నేత హ‌రీశ్‌ రావు (Harish Rao) ఆవిష్క‌రించారు. సమాజంలో మహిళలు ఎదుర్కొంటున్న వివిధ రకాల వేదనలు, కష్టాలు, వారి మానసిక సంఘర్షణలను ప్రతిబింబించేలా ర‌చించిన‌ ఈ పుస్త‌కాన్ని హైద‌రాబాద్‌లోని త‌న నివాసంలో విడుద‌ల చేశారు. ఈ సంద‌ర్భంగా మహిళల సమస్యలపై కథల రూపంలో పుస్తకాన్ని వెలువరించిన ప్రతాప్ రావును అభినందించారు.

సాహిత్య లోకంలో `శ్రీపార్థి` అనే క‌లం పేరుతో సుప‌రిచితులు కొండు ప్ర‌తాప్ రావు. ఆయన ముఖ్యంగా మానవీయ సంబంధాలు, సామాజిక ఇతివృత్తాలు, మహిళల జీవిత విశేషాల చుట్టూ తన కథలను అల్లుతుంటారు. నిత్య జీవితంలో కనిపించే పాత్రలను, సమాజంలోని సున్నితమైన సమస్యలను మరియు మానసిక సంఘర్షణలను తన కథలలో సహజంగా ఆవిష్కరిస్తారు. ఆయ‌న ర‌చ‌న‌ల్లో `కడలి..`, `తాత - మనవడు`, `ఆత్మ`, `తెంచుకున్న బంధం`, `శకునం` వంటి క‌థ‌లు పాఠ‌కుల ఆద‌ర‌ణ పొందాయి. ఆయ‌న‌ రాసిన అనేక కథలు ప్రముఖ తెలుగు డిజిటల్ సాహిత్య పత్రిక అయిన సంచిక (Sanchika)లో ప్రచురితమ‌య్యాయి.