Revanth Reddy Vs Harish Rao | తెలంగాణ మాజీ మంత్రి, సిద్దిపేట ఎమ్మెల్యే హరీశ్ రావు.. సీఎం రేవంత్ రెడ్డి వ్యాఖ్యలపై ఫైర్ అయ్యారు. పంచాయతీ ఎన్నికల ఫలితాలు చూసి రేవంత్ రెడ్డి ఫ్రస్టేషన్ పీక్స్కి చేరిందన్నారు. రేవంత్ రెడ్డి ఎన్ని ఛీప్ ట్రిక్స్ ప్లే చేసినా, ఆయన చిల్లర రాజకీయాలకు ఎవ్వడూ పడిపోడన్నారు. ఆయన కుట్రలు, కుతంత్రాలు ఫలించవన్నారు. అనేక సార్లు చెప్పిన, మళ్లీ చెబుతున్నా.. రాసి పెట్టుకో రేవంత్ రెడ్డి.. ఎప్పటికైనా హరీశ్ రావు గుండెల్లో ఉండేది కేసీఆరే.. హరీశ్ రావు చేతిలో ఉండేది గులాబీ జెండానే అని స్పష్టం చేశారు. త్వరలోనే రేవంత్ రెడ్డి పతనం తప్పదు రోజురోజుకీ పరిస్థితులు చేజారి పోతున్నాయనే సత్యం జీర్ణం కాక రేవంత్ రెడ్డి అవకాకులు చెవాకులు పేలుతూ అక్కసు వెళ్లగక్కుతున్నాడన్నారు. త్వరలోనే తనకు పతనం తప్పదనే సంగతి అర్థమై ఆగమాగం అవుతున్నాడన్నారు. త్వరలోనే తన కుర్చీ ఊడుతుందని, తన దోపిడీ ఆగిపోతుందనే భయంతో రేవంత్ రెడ్డి ఇవాళ్టి ప్రెస్ మీట్ లో అడ్డగోలుగా వాగిండు. నాకు, కేటీఆర్కి మధ్య మిత్ర బేధం సృష్టించాలని, తద్వారా బీఆర్ఎస్ని బలహీన పరచాలని ఒక చీప్ ట్రిక్ ప్లే చేస్తున్నడు. నీ దాష్టీకాలు, దుర్మార్గాలకు వ్యతిరేకంగా నేనూ, కేటీఆర్ మరింత సమన్వయంగా, మరింత సమర్థవంతంగా రెట్టించిన ఉత్సాహంతో పోరాడుతం. నీ అవినీతిని ఎండగడుతం. అసమర్థతను నిలదీస్తం. ఉద్యమ కాలం నుంచి నేటి దాకా తెలంగాణకు తీరని ద్రోహం చేస్తున్న నిన్ను, నీ కాంగ్రెస్ ను గద్దె దించుతం. నా లక్ష్యమైనా, కేటీఆర్ లక్ష్యమైనా, లక్షలాది గులాబీ సైనికుల లక్ష్యమైనా ఇదే. బీఆర్ఎస్ విజయపథంలో పురోగమించడం ఖాయం. మరోసారి కేసీఆర్ ముఖ్యమంత్రి కావడం ఖాయం. తెలంగాణ ప్రజల ఆకాంక్షలను సంపూర్ణంగా నెరవేర్చడం ఖాయం. నీ చిల్లర వేషాలు, చెత్త రాజకీయాలను చూసి ప్రజలు ఛీ కొడుతున్నరు, బుద్ధి తెచ్చుకో. మిగిలిన కొద్ది కాలమైనా సరిగ్గా వినియోగించుకో. కమీషన్లు, రియల్ ఎస్టేట్ దందాలే కాదు..ప్రజలకు అక్కరకు వచ్చే పనులు చేయి. లేకుంటే ఉద్యమ ద్రోహిగానే కాదూ, చేవలేని, చేతగాని ముఖ్యమంత్రిగా కూడా చరిత్రలో నిలిచిపోతవు.. అని రేవంత్ రెడ్డిపై హరీశ్ రావు నిప్పులు చెరిగారు.
