Hyderabad | ఖైర‌తాబాద్ లో నాలుగేళ్ల చిన్నారిపై వీధి కుక్క దాడి

Hyderabad | హైద‌రాబాద్ (Hyderabad) న‌గ‌రంలో వీధికుక్క‌ల (Stray Dogs) స్వైర విహారం కొన‌సాగుతోంది. తాజాగా ఖైర‌తాబాద్ (Khairatabad) లో నాలుగేళ్ల చిన్నారిపై వీధికుక్క దాడికి పాల్ప‌డింది. శ్రీ‌నివాస్‌న‌గ‌ర్‌లో నివాస‌ముండే మ‌ల్లికార్జున్‌, రేవంతి దంప‌తుల కుమార్తె శార్వి ఇంటి ముందు ఆడుకుంటున్న స‌మ‌యంలో వీధికుక్క ఒక్క‌సారిగా పైకి దూకింది. ఈ దాడిలో చిన్నారి మొహంపై తీవ్ర గాయాల‌య్యాయి. దీనిని గ‌మ‌నించిన కుటుంబ స‌భ్యులు బాలిక‌ను హుటాహుటిన ఆస్ప‌త్రికి త‌ర‌లించారు. శార్వి ప్ర‌స్తుతం రెయిన్‌బో ఆస్ప‌త్రిలో చికిత్స‌పొందుతున్నారు. ప్ర‌స్తుతం అమ్మాయి ఆరోగ్యం నిల‌క‌డ‌గా ఉంద‌ని వైద్యులు తెలిపారు.

ఒక‌వైపు వీధికుక్క‌ల అంశంపై సుప్రీంకోర్టు వ్యాఖ్య‌లు.. అనంత‌రం మేన‌కాగాంధీ, రేణుదేశాయ్‌, రశ్మి గౌత‌మ్ వంటి వారి కామెంట్లు తీవ్ర చ‌ర్చ‌కు దారితీశాయి. ఒక‌వైపు వీధికుక్క‌ల అంశంపై వాడిగా వేడిగా చ‌ర్చ జ‌రుగుతుండ‌గానే దాడుల పరంప‌ర కొన‌సాగుతూనే ఉంది.