Bus Accident | అంత్యక్రియలకు వెళ్తుండగా.. అనంత‌గిరి ఘాట్‌రోడ్డులో బ‌స్సు బోల్తా.. ఐదుగురు దుర్మ‌ర‌ణం

Bus Accident | త్రినేత్ర న్యూస్‌: వికారాబాద్ జిల్లా అనంత‌గిరి (Ananthagiri) ఘాట్‌రోడ్డులో ఘోర రోడ్డు జరిగింది. శనివారం ఉదయం ఓ ప్రైవేటు బస్సు అదుపుతప్పి బోల్తా (Bus Accident) పడింది. దీంతో ఐదుగురు దుర్మ‌ర‌ణం చెందారు. మరో 15 మంది తీవ్రంగా గాయ‌ప‌డ్డారు. వారిలో ఇద్ద‌రి ప‌రిస్థితి విష‌మంగా ఉంది. దీంతో మృతుల సంఖ్య పెరిగే అవ‌కాశం ఉంది. ప్ర‌మాదం జరిగిన వెంటనే స్థానికులు, పోలీసులు స‌హాయ‌క చ‌ర్య‌లు చేప‌ట్టారు. గాయపడిన వారిని ద‌వాఖాన‌కు తరలించారు.

వీరంతా శంకర్‌పల్లి మండలం కేసారం నుంచి ధారూర్ మండలం చింతకుంటకు వెళ్తుండగా ప్ర‌మాదం జ‌రిగింది. శుక్ర‌వారం ఆత్మ‌హ‌త్య చేసుకున్న నారాయ‌ణ రెడ్డి అనే వ్యక్తి అంత్యక్రియలకు వెళ్తుండగా విషాదం చోటు చేసున్న‌ట్లు తెలుస్తున్న‌ది. ప్ర‌మాద స‌మ‌యంలో బ‌స్సులో 54 మంది ఉన్నారు. గాయ‌ప‌డిన‌వారిలో ఇద్ద‌రి ప‌రిస్థితి విష‌మంగా ఉండ‌టంతో హైద‌రాబాద్ త‌ర‌లించారు. మృతులు ప్రమీల (52), యాదమ్మ (52), మాల పద్మ(50), పద్మమ్మ(55)గా గుర్తించారు.

సీఎం రేవంత్ దిగ్భ్రాంతి

బస్సు ప్ర‌మాద ఘటనపై సీఎం రేవంత్ రెడ్డి (Revanth Reddy) దిగ్భ్రాంతి వ్యక్తం చేశారు. మృతుల కుటుంబాల‌కు ప్రగాఢ సానుభూతిని తెలియ‌జేశారు. క్షతగాత్రులకు మెరుగైన వైద్యం అందేలా చర్యలు తీసుకోవాలని రాష్ట్ర ప్రభుత్వ ప్రధాన కార్యదర్శిని ఆదేశించారు.

స‌హాయ‌క చ‌ర్య‌ల్లో పాల్గొనాలి: కేటీఆర్

బస్సు ప్రమాద ఘటన తనను తీవ్రంగా కలచివేసిందని బీఆర్ఎస్ వ‌ర్కింగ్ ప్రెసిడెంట్‌ కేటీఆర్ (KTR) విచారం వ్యక్తం చేశారు. ఈ ప్రమాదంలో ముగ్గురు మృతి చెందడం, పలువురు గాయపడటం బాధాకరమన్నారు. మృతుల కుటుంబాలకు తన ప్రగాఢ సానుభూతి తెలిపారు. గాయపడిన వారంతా త్వరగా కోలుకోవాలని ఆకాంక్షించారు. క్షతగాత్రులను వెంటనే రక్షించి, అవసరమైన వైద్య సహాయం అందించేందుకు సహాయక చర్యల్లో పాల్గొనాలని స్థానిక బీఆర్ఎస్ నాయకత్వానికి పిలుపునిచ్చారు. ప్రమాదంలో చిక్కుకున్న వారికి అవసరమైన సహాయం అందేలా స్థానిక నాయకులు అధికారులతో సమన్వయం చేసుకోవాలని సూచించారు. బాధిత కుటుంబాలకు అండగా నిలవాలన్నారు.