RTC | తండ్రి డ్రైవ‌ర్‌.. కొడుకు కండ‌క్ట‌ర్‌.. ఇద్ద‌రికీ ఒకే బ‌స్సులో డ్యూటీ..

RTC | త్రినేత్ర‌.న్యూస్‌: తండ్రి ఆర్టీసీ (RTC) డ్రైవ‌ర్‌. కొడుకు కండ‌క్ట‌ర్‌. ఇద్ద‌రూ ఒకే డిపోలో విధులు నిర్వ‌హిస్తున్నారు. అనుకోకుండా ఇద్ద‌రికి ఒకే బ‌స్సులో డ్యూటీ ప‌డింది. దీంతో ఇంకేముంది కొడుకు రైట్ రైట్ అంటే తండ్రి ఆ మాట జ‌వ‌దాట‌కుండా బ‌స్సు న‌డిపించారు. సాధార‌ణంగా తండ్రి మాట పిల్ల‌లు విన‌డం ఆన‌వాయితీ.. కానీ ఇక్క‌డ మాత్రం కొడుకు చెప్పిన మాట తండ్రి వినాల్సిందే. ఈ అరుదైన ఘ‌ట‌న హుస్నాబాద్ (Husnabad) డిపోలో చోటుచేసుకున్న‌ది.

సిద్దిపేట జిల్లా హుస్నాబాద్‌కు చెందిన బ‌ద‌నాపురం ఎల్ల‌య్య గ‌త 34 ఏండ్లుగా ఆర్టీసీలో డ్రైవ‌ర్‌గా ప‌నిచేస్తున్నారు. ఆయ‌న కుమారుడు ప్రేమ్ కండ‌క్ట‌ర్‌. ఇద్ద‌రిది ఒకే డిపో. శుక్ర‌వారం హుస్నాబాద్ నుంచి జ‌న‌గామ రూట్‌లో ఇద్ద‌రికీ ఒకే బ‌స్సులో అధికారులు డ్యూటీ వేశారు. దీంతో డ్రైవ‌ర్, కండ‌క్ట‌ర్ తండ్రీకొడుకుల‌ని తెలియ‌గానే ఆశ్చ‌ర్య‌పోవ‌డం ప్ర‌యాణికుల వంత‌యింది.