KTR | కేటీఆర్ వాహ‌నాన్ని త‌నిఖీ చేసిన ఎన్నిక‌ల అధికారులు

KTR | మున్సిప‌ల్ ఎన్నిక‌ల నోటిఫికేష‌న్ విడుద‌ల‌వ‌డంతో ఎన్నిక‌ల కోడ్ అమ‌లులోకి వ‌చ్చింది. దీంతో సంబంధిత అధికారులు త‌మ త‌నిఖీలు ప్రారంభించారు. బీఆర్ఎస్ కార్య‌నిర్వాహ‌క అధ్య‌క్షుడు కేటీఆర్ త‌న నియోజ‌క‌వ‌ర్గం సిరిసిల్ల‌ ప‌ర్య‌ట‌న‌లో ఉండ‌గా ఆయ‌న వాహ‌నాన్ని అధికారులు ఆపి త‌నిఖీ చేశారు. ఎన్నిక‌ల నిబంధ‌న‌ల‌కు క‌ట్టుబ‌డి, కేటీఆర్ అధికారుల‌కు స‌హ‌క‌రించారు.

ఎన్నిక‌ల కోడ్ ప్రారంభ‌మైన అనంత‌రం ఎన్నిక‌ల క‌మిష‌న్ త‌నిఖీ బృందాల‌ను ఏర్పాటు చేస్తుంది. అందులో కొన్ని ఫ్ల‌యింగ్ స్క్వాడ్‌లు కాగా, మ‌రికొన్ని స్టాటిక్ స్క్వాడ్‌లు. కోడ్ అమ‌లులో ఉన్నంత కాలం ఈ బృందాలు విస్తృత త‌నిఖీలు నిర్వ‌హిస్తాయి. ఎవ‌రి వాహ‌న‌మైనా స‌రే నిలిపి, త‌నిఖీలు చేసే అధికారం వారికి ఉంటుంది.