Egg Prices | కొండెక్కిన కోడిగుడ్డు ధ‌ర‌లు.. ఆందోళ‌న‌లో ప్రోటీన్ ల‌వ‌ర్స్

Egg Prices | త్రినేత్ర న్యూస్ : చికెన్, మ‌ట‌న్ కొన‌లేని వారు కోడిగుడ్ల‌ను కొనుగోలు చేస్తుంటారు. ఎందుకంటే కోడిగుడ్ల ధ‌ర‌లు( Egg Prices ) చాలా త‌క్కువ‌గా ఉంటాయి. కానీ గ‌త మూడు నెల‌ల నుంచి స్థిరంగా కొన‌సాగిన కోడిగుడ్ల ధ‌ర‌లు ప్ర‌స్తుతం కొండెక్కాయి. హోల్ సేల్ మార్కెట్‌లో డ‌జ‌న్ కోడిగుడ్ల ధ‌ర‌లు రూ. 80 ఉండ‌గా, తాజాగా ఆ ధ‌ర పెరిగిపోయింది. ప్ర‌స్తుతం డ‌జ‌న్ ఎగ్స్ ధ‌ర రూ. 96కు చేరింది. స్వ‌ల్ప కాలంలోనే ఏకంగా డ‌జ‌న్‌పై రూ. 16 పెర‌గ‌డంతో.. వినియోగ‌దారులు ఆందోళ‌న‌కు గుర‌వుతున్నారు. మ‌రి ముఖ్యంగా ప్రోటీన్ ప్రియులు ఆందోళ‌న వ్య‌క్తం చేస్తున్నారు. ప్ర‌స్తుతం ఒక్కో కోడిగుడ్డు ధ‌ర రూ. 8 ప‌లుకుతోంది.

కోడిగుడ్ల ధ‌ర‌లే కాదు.. కూర‌గాయ‌ల ధ‌ర‌లు కూడా అమాంతం పెరిగాయి. ఏ కూర‌గాయ‌ను ముట్టుకున్నా అగ్గి మీద గుగ్గిలంలా మండిపోతుంది. పావు కిలో కూర‌గాయ‌ల ధ‌ర రూ. 30 ప‌లుకుతోంది. ఆకుకూర‌ల ధ‌ర‌లు కూడా మండిపోతున్నాయి.