Secretariat | రూ.ల‌క్ష‌ల్లో బిల్లులు పెండింగ్‌.. సచివాలయంలో మంచినీటి స‌ర‌ఫ‌రా బంద్‌

Secretariat | త్రినేత్ర న్యూస్‌: స‌చివాలయంలో (Secretariat) ఉద్యోగుల‌కు మంచినీటి క‌ష్టాలు త‌ప్ప‌డం లేదు. ఏండ్ల త‌ర‌బ‌డి బిల్లులు చెల్లించ‌క‌పోవ‌డంతో ఏజెన్సీలు మంచినీటి స‌ర‌ఫ‌రాను (Drinking Water Crisis) నిలిపివేశాయి. దీంతో ఉద్యోగులు, సిబ్బంది తాగునీటికి కోసం ఇబ్బందులు ఎదుర్కొంటున్నారు. ఒక్కో డిపార్ట్‌మెంట్ నుంచి రూ.లక్షల్లో బకాయిలు రావాల్సి ఉండటంతో (Pending Bills).. మొత్తం నాలుగు ఏజెన్సీలు కలిపి సుమారు రూ.50 లక్షల బిల్లులు చెల్లించాల‌ని గ‌త కొంత కాలంగా డిమాండ్ చేస్తున్నాయి. అయిన‌ప్ప‌టికీ ప్ర‌భుత్వం స్పందించ‌క‌పోవ‌డం, పాత బకాయిలు మొత్తం క్లియర్ చేస్తేనే మళ్లీ వాటర్ క్యాన్లు పంపిస్తామని తేల్చిచెప్పడంతో పేషీల అధికారులకు దిక్కుతోచలేదు. చివరకు ఉద్యోగులు, సిబ్బంది ఎవరి బాటిల్స్ వారే ఇంటి నుంచి తెచ్చుకోవాలని అంత‌ర్గ‌తంగా ఆదేశాలు జారీ చేసిన‌ట్లు స‌మాచారం.

దీనికి తోడు స‌చివాల‌యంలోని మంచి నీటి ఫిల్డర్లు పని చేయడం ఆగిపోయాయి. దీంతో ఉద్యోగులు బయట నుంచి నీటిని తెచ్చుకోవాల్సిన పరిస్థితి ఏర్పడింది. మ‌రోవైపు ఉద్యోగులకు అందించే మధ్యాహ్న భోజనం విషయంలోనూ ఇప్పటికే ఇబ్బందులు ఎదురవుతున్నాయి. పెండింగ్‌ బిల్లులు, ఇతర సమస్యల నేపథ్యంలో లంచ్‌ బంద్‌ చేశారు. ఇప్పుడు తాగునీటి సరఫరా కూడా నిలిచిపోవడంతో ఉద్యోగుల్లో అసంతృప్తి వ్యక్తమవుతున్న‌ది. ఈ వ్యవహారంపై సెక్రటేరియట్‌ అధికారులు స్పందించాల్సి ఉంది.

కాగా, స‌చివాలయానికి మంచినీటి స‌ర‌ఫ‌రా నిలిచిపోయిందంటూ వ‌స్తున్న వార్త‌ల్లో నిజం లేద‌ని జ‌ల‌మండ‌లి (Jalamandali) స్ప‌ష్టం చేసింది. మంచి నీటి స‌ర‌ఫ‌రాలో ఎలాంటి అంత‌రాయం లేద‌ని తెలిపింది. స‌మాచారం అందిన వెంట‌నే స‌చివాలయంలో సంపును జ‌ల‌మండ‌లి అధికారులు ప‌రిశీలించారు. మంచినీటి స‌ర‌ఫ‌రా య‌థావిధిగా కొన‌సాగింద‌ని, ఎలాంటి అంత‌రాయం లేద‌ని తెలిపింది.