ACB Raids | ఏసీబీకి చిక్కిన సంగారెడ్డి జిల్లా ఇంట‌ర్మీడియ‌ట్ విద్యాశాఖ అధికారి

ACB Raids | త్రినేత్ర‌.న్యూస్ : సంగారెడ్డి జిల్లా ఇంట‌ర్మీడియ‌ట్ విద్యాశాఖ అధికారి ర‌మావ‌త్ గోవింద్ రామ్ లంచం తీసుకుంటూ ఏసీబీ అధికారుల‌కు రెడ్ హ్యాండెడ్‌గా దొరికిపోయారు. ఓ ప్ర‌యివేటు కాలేజీ యాజ‌మాన్యం నుంచి రూ. 20 వేలు లంచం తీసుకుంటుండ‌గా ఏసీబీ అధికారులు ఆయ‌న్ను ప‌ట్టుకున్నారు.

సంగారెడ్డి జిల్లాలోని వికాస్ ఒకేష‌న‌ల్ జూనియ‌ర్ కాలేజీ ప్రొవిజ‌న‌ల్ అఫిలియేష‌న్ పొడిగింపు కొర‌కు కొద్ది రోజుల క్రితం ర‌మావ‌త్ గోవింద్ రామ్ త‌నిఖీ నిర్వ‌హించారు. చిన్న చిన్న పొర‌పాట్లు ఉండ‌డంతో.. పాజిటివ్ రిపోర్టు కావాలంటే రూ. 50 వేలు లంచం కావాల‌ని గోవింద్ రామ్ డిమాండ్ చేశారు. ఈ క్ర‌మంలో ఇప్ప‌టికే రూ. 30 వేలు స‌మ‌ర్పించారు. మిగ‌తా రూ. 20 వేల‌ను సంగారెడ్డి క‌లెక్ట‌రేట్‌లోని త‌న కార్యాల‌యంలో గోవింద్ రామ్ లంచం తీసుకుంటుండ‌గా ఏసీబీ అధికారులు రెడ్ హ్యాండెడ్‌గా ప‌ట్టుకున్నారు. నాంప‌ల్లి ఏసీబీ కోర్టులో హాజ‌రు ప‌రిచి రిమాండ్‌కు త‌ర‌లించ‌నున్నారు.