CPI Narayana | మోదీ.. ఇది యుద్ధ నీతి కాదు.. డీలిమిటేష‌న్ బిల్లుపై సీపీఐ నారాయ‌ణ ఆగ్ర‌హం

CPI Narayana | త్రినేత్ర‌.న్యూస్ : మ‌హిళ‌ల‌ను అడ్డం పెట్టుకుని ప్ర‌ధాని న‌రేంద్ర మోదీ బ్లాక్ మెయిల్ రాజకీయాలు చేస్తున్నార‌ని సీపీఐ నారాయ‌ణ తీవ్ర స్థాయిలో మండిప‌డ్డారు. మ‌హిళా రిజ‌ర్వేష‌న్ బిల్లులో డీలిమిటేష‌న్ బిల్లును క‌లిపి ప్ర‌వేశ‌పెట్ట‌డం యుద్ధ నీతి కాదంటూ మోదీపై ఆగ్ర‌హం వ్య‌క్తం చేశారు. డీలిమిటేష‌న్ బిల్లుపై సీపీఐ నారాయ‌ణ శుక్ర‌వారం ఒక ప్ర‌క‌ట‌న విడుద‌ల చేశారు.

మోదీ ప్ర‌భుత్వానికి నీతి, నియ‌మం లేకుండా పోయింది. మ‌హిళా రిజ‌ర్వేష‌న్ బిల్లు న్యాయబ‌ద్ధ‌మైంది. ఈ బిల్లు ఇప్ప‌టికే పెండింగ్‌లో ఉంది. గీతా ముఖ‌ర్జి రాసిన రిపోర్టు రాజ్య‌స‌భ‌లో ఆమోదించ‌బ‌డింది. ఇప్పుడు లోక్‌స‌భ‌లో ఆమోదించాలి. దాన్ని ఆమోదించేందుకు మ‌ళ్లీ మ‌ధ్య‌లో డీలిమిటేష‌న్ బిల్లు పెడుతున్నారు. అంటే పాయ‌సం ఇస్తూనే విష‌గుళికలు ఇచ్చి రెండు తాగండి అనే ప‌ద్ధ‌తుల్లో మ‌హిళా రిజ‌ర్వేష‌న్ బిల్లును డీలిమిటేష‌న్ బిల్లులో పెట్టి ఆమోదించండి అంటున్నారు. ఆమోదించ‌క‌పోతే మ‌హిళా వ్య‌తిరేకులు అని బ్లాక్ మెయిల్ చేస్తున్నారు. మ‌హిళ‌ల‌ను అడ్డం పెట్టుకుని బ్లాక్ మెయిల్ చేసే దుస్థితికి బీజేపీ వ‌చ్చింది. డీలిమిటేష‌న్ బిల్లు అనేది ఫెడ‌ర‌ల్ సిస్ట‌మ్. భార‌త‌దేశం స‌మైక్యంగా ఉండాలా..? వ‌ద్దా..? ఉత్త‌ర, ద‌క్షిణ భార‌తదేశంగా మారిపోవాలా అనేది వేరు.. దానిపై చ‌ర్చ చేద్దాం. కానీ మ‌హిళా బిల్లును మాత్ర‌మే ఆమోదించండి.. ఆ త‌ర్వాత‌నే డీలిమిటేష‌న్ బిల్లు. మ‌హిళా బిల్లును అడ్డం పెట్టుకుని బ్లాక్ మెయిల్ చేయ‌డం యుద్ధ నీతి కాదు అని మోదీకి నారాయ‌ణ వార్నింగ్ ఇచ్చారు.