Congress MLA Rammohan Reddy | మన గౌరవ ముఖ్యమంత్రి గారు పొంగులేటి శ్రీనివాస్ రెడ్డి గారు అధ్యక్షా

• అసెంబ్లీలో ఊహించని పొరపాటు
• సీఎం పేరు మార్చేసిన కాంగ్రెస్ ఎమ్మెల్యే

Congress MLA Rammohan Reddy | త్రినేత్ర.న్యూస్ : తెలంగాణ శాసనసభ సమావేశాల్లో ఓ ఆసక్తికర సంఘటన చోటుచేసుకుంది. సభలో మాట్లాడే ఉత్సాహంలో అధికార పార్టీకి చెందిన ఓ ఎమ్మెల్యే ముఖ్యమంత్రి పేరును పొరపాటున మార్చి మాట్లాడడం సభాసదులను విస్మయానికి గురిచేసింది. ఏకంగా మంత్రి పొంగులేటి శ్రీనివాసరెడ్డిని ముఖ్యమంత్రిగా అభివర్ణించడంతో ఒక్కసారిగా నవ్వులు వికసించాయి.

"గౌరవ ముఖ్యమంత్రి పొంగులేటి శ్రీనివాసరెడ్డి గారు"

సభలో చర్చ సందర్భంగా కాంగ్రెస్ ఎమ్మెల్యే రామ్మోహన్ రెడ్డి మాట్లాడుతూ.. ఉమ్మడి రాష్ట్రంలో తెలంగాణకు జరిగిన నష్టాలను, అప్పట్లో జరిగిన ఉద్యమ పోరాటాలను సభ దృష్టికి తీసుకువచ్చారు. ఈ క్రమంలో ప్రసంగం జోరులో భాగంగా.. "మన గౌరవ ముఖ్యమంత్రి గారు పొంగులేటి శ్రీనివాసరెడ్డి గారు అధ్యక్షా.." అంటూ సంబోధించారు. కొద్దిసేపటి తర్వాత తన తప్పును గమనించినప్పటికీ, ఆ వీడియో క్లిప్ ప్రస్తుతం సోషల్ మీడియాలో వైరల్ అవుతోంది.

అసెంబ్లీలో సీఎం రేవంత్ రెడ్డి పేరు మర్చిపోయిన కాంగ్రెస్ ఎమ్మెల్యే

గౌరవ ముఖ్యమంత్రి పొంగులేటి శ్రీనివాస్ రెడ్డి అంటూ శీనన్నను సీఎంను చేసిన రామ్మోహన్ రెడ్డి https://t.co/d1kiADvCUh pic.twitter.com/0Qn6CWIO4S

— Telugu Scribe (@TeluguScribe) September 16, 2026

రేవంత్ రెడ్డి పోరాటాన్ని తక్కువ చేస్తే ఊరుకోం

ఈ సందర్భంగా బీఆర్ఎస్ నేతల తీరుపై రామ్మోహన్ రెడ్డి తీవ్రస్థాయిలో మండిపడ్డారు. తెలంగాణ ఉద్యమకారుడిగా రేవంత్ రెడ్డి చేసిన పోరాటాలను ప్రజల నుంచి తప్పుదారి పట్టించేందుకు ప్రతిపక్షాలు యత్నిస్తున్నాయని ఆరోపించారు. "తెలంగాణ ఉద్యమంలో రేవంత్ రెడ్డి గొప్పగా పోరాడారు. కానీ బీఆర్ఎస్ వాళ్లు మాత్రం ఆయన ఉద్యమకారుడు కాదంటూ కావాలని బద్నాం చేస్తున్నారు" అని ఆగ్రహం వ్యక్తం చేశారు. అప్పట్లో అసెంబ్లీ రికార్డుల్లో, పత్రికల్లో రేవంత్ రెడ్డి చేసిన పోరాటాలు స్పష్టంగా నమోదై ఉన్నాయని, రాష్ట్ర అవశ్యకతను ఆయన గట్టిగా వినిపించారని గుర్తుచేశారు.

తెలంగాణ ఉద్యమకారుడు రేవంత్ రెడ్డి ఉద్యమంలో గొప్పగా పోరాడాడు

కానీ బీఆర్ఎస్ వాళ్లు రేవంత్ రెడ్డి ఉద్యమకారుడు కాదు అని కావాలని బద్నాం చేస్తున్నారు

– కాంగ్రెస్ ఎమ్మెల్యే రామ్మోహన్ రెడ్డి pic.twitter.com/9ainpgffr4

— Telugu Scribe (@TeluguScribe) September 16, 2026